Vladimir Putin
De Uiquipedia
Vladimir Vladimirovich Putin (*7 d'ochobre de 1952, San Petersburgu, nome en rusu: Владимир Владимирович Путин) ye un políticu rusu y l'autual presidente de Rusia.
Tres rematare d'un móu perbrillante los sous estudios de direitu na universidá entróu nel KGB. Trabayóu na seición encargada d'asuntos esteriores y vivíu n'Alemaña Oriental dende 1985 ta 1990.
Tres el cambiu democráticu nos países comunistas dexóu la KGB y foi nomeáu adxunto del reutor de la universidá de San Petersburgu. Darréu fixóuse nél l'alcaide de Moscú, quien lu fai adxuntu nel conceyu moscovita. N'agostu de 1996 yá ye adxuntu del direutor d'asuntos esteriores del presidente Yeltsin.
En 1998 ye nomeáu direutor del Serviciu Federal de Segurancia (FSB), ya en 1999 premier ministru de Yeltsin, que lu fai el sou sucesor. Tres l'arrenunciu de Yeltsin a la presidencia rusa tórnase en presidente interinu. Nas elleiciones adiantadas de 2000 el pueblu rusu da-y la súa confianza con una marxen amplia (53% de los votos).
Entamóu dúas guerras na república rusa de Chechenia rempuendiendu asina a los salvaxes atentaos terroristas chechenos qu'asolarun Moscú a finales de los años 90 y nel entamu d'esta década. Magar que los sous métoudos llenden munchas vegadas colo antidemoucrático y el refugu los dreitos humanos, el sou índice de popularidá ye entovía mui altu.
