Corréu lletrónicu
De Uiquipedia
Corréu lletrónicu, o e-mail (anglicismu), ye un serviciu de rede pa unviar y recibir mensaxes ente usuarios al traviés de sistemes de comunicación lletrónicos (normalmente por Internet). Esto fai que seya mui útil comparáu col corréu ordinariu, porque ye más baratu y rápidu.
Xunto colos mensaxes tamién pueden unviase ficheros como paquetes amestaos.
Tabla de conteníos |
[editar] Hestoria
El nome vien de l'analoxía col corréu postal: los dos sirven pa mandar y recibir mensaxes, y úsense "buzones" intermedios (servidores), au los mensaxes se guarden temporalmente mientres lleguen al so destín.
Inventólu Ray Tomlinson en 1971. D'aquella ya hubiera un sistema de mensaxería en cada computadora (que yera compartida por varios usuarios), pero nun había ún que permitiere unviar mensaxes a otra computadora d'una rede. Tomlinson elixió l'arroba (@) como divisor ente'l usuariu y la computadora na que s'abelluga la caxina de corréu porque n'inglés @ dizse "at" (que pue tornase'n "en"). Asina, usuariu@dominiu.com lleeríase usuariu en dominiu.com.
[editar] Problemes
Nos últimos tiempos tan saliendo estremaos tipos d'unvíos qu'afecten a la seguridá/veracidá de la conesión al traviés d'esti mediu. N'esti sen, los medios más emplegaos son los virus y troyanos y los bulos o engaños; los primeros infecten los ordenadores al traviés de ficheros unviaos xunto colos mensaxes y los segundos afecten a la credibilidá de los mensaxes tresmitíos a partir de terceros na rede. Tamién, cada vegada atópase más corréu publicitariu nun solicitáu o basoria: spam.
[editar] Servicios de corréu lletrónicu
- Principales proveedores de servicios de corréu lletrónicu de baldre:
- Gmail: webmail y POP3
- Hotmail: webmail
- Yahoo!: webmail y POP3 con publicidá
- Lycos: webmail
[editar] Programes pa lleer y organizar corréu
- Principales programes
[editar] Programes servidores de corréu
- Principales programes
[editar] Ver tamién
- MIME
- Llista de corréu lletrónicu
- SMTP
- POP3
- IMAP
- webmail
