Manati

Us der alemannische Wikipedia, der freie Dialäkt-Enzyklopedy

Manati
Manati un e Chälbli z'Florida
Taxonomi
Seria Landwirbeltiir (Tetrapoda) Classis Sügetiir (Mammalia) Subclassis Höheri Sügetiiir (Eutheria) Superordo Afrotheria Ordo Seechüeh (Sirenia) Familia Manati (Trichechidae)
Spezie
Karibik-Manati (Trichechus manatus) Fluss-Manati (Trichechus inunguis) Afrikanischer Manati (Trichechus senegalensis)

Manati (Familie Trichechidae, Gattig Trichechus) sin riisigi aquarischi Seugetiir wo au als Seechüeh bezeichnet werre. Manati sin Pflanzefrässer wo d'meischti Zit ufem Grund grasse. Manati läbe in flachi Schwämbiet in Nord, Zentral un Süd Amerika, in dr Karibik un an dr Chüscht vo Afrika.

D'Spezie Trichechus senegalensis läbt an dr Weschtchüscht vo Afrika, e andri (T. inunguis) an dr Oschtchüscht vo Südamerika, un d'dritti (T. manatus) in dr Charibik un an dr Chüscht vo Florida. Die Spezies cha 4,5 Meter oder lenger werre un läbt in Süess- un Salzwasser. Früher isch s'Manati wege sym Öl un Fleisch gjagt worre, hüt isch's aber gsetzlich gschützt.

D'Manati vo Florida un dr Charibik sin e bedrohti Spezies, obwohl's chei natürlichi Feind hät. D'Mänsche hän syn Lebensruum a de Chüschte un Schwemmbiet ygschränckt; usserdem werre viili Menati vo Motorboote verletzt, oder sä verschlucket Fischfanggrät (Hoke, Metalgwicht usw). Des Zügs isch meischten harmlos, numme d'Leine chönnet in de Verdauigtracht inecho un s'Tiirli langsam umbringe.

Manati sammle sich oft in dr nähi vo Chernchraftwerki, wege em warme Wasser, un chönnet vo dere Wärmi abhänig werre. Deswege wandre se nümme i wärmri Gwässer. In letschter Zit hän allerdings e huufe Chraftwerk zuegmacht; deswege suecht dr U.S. Fisch un Wildlebe Service nooch andri Möglichkeite s'Wasser für d'Manati z'wärme.

   

Dr Artikel „Manati“ isch leider no ziimle kurz! Wenn du aber meh zu dem Thema weisch, schrib's eifach dezue und mach us dem Schtumpe en ebbas umfangriichere Artikel.