Istanbul
Us der alemannische Wikipedia, der freie Dialäkt-Enzyklopedy
Ischtambul(İstanbul) isch a grossartig glägeni Schtadt in dr Türkei. D Schtadt ligt am Bosporus und isch bekannt für die schöne Moscheee (Sultanahmet, Suleymaniye Moschee) un zue Musee umgwidmetet Sakralbaute (Ayasofija/Hagia Sophia, s'Vorbild fer alli Chrüzchuppelchilchene un türkische Moscheee, bis 1453 die grösst Chilche vu dr Welt, sit dert bis 1932 Moschee, sither Museum). Dr Groosruum Ischtambul het öppe 14 Milyone IIwoner und umfasst en europäische und en asiatische Deil, wo mit 2 grosse Brugge und mit Fährschiff vrbunde sin. Uf dr europäische Syte ligt d Altschtadt, wo z'erscht Byzanz (gründig 660 v. Chr.) un vo 330 - 1923 Konschtantinopel (Konstantinoupolis) ghaisse het. Dr offiziell Namme isch vu 330 - 1453 aber Nova Roma (grichisch Nea Rome) gsi.
Uf dr europäische Site isch au en Meeresarm, s Goldige Horn. Übr dä Meeresarm goht d Galatabrugg übere in Schtadtdeil Beyoğlu und Galatasaray. Ebefalls of dr europäische Syte ligt Beşiktaş, mit syne baar Wolkegratzer und sym berüemte Fuessballklub.
Ischtambul isch vum 1. Mai 330 bis zum 29. Mai 1453 d'Hauptstadt vum Römisch-Byzantinische Riich gsi, vum 29. Mai 1453 bis 1923 Hauptstadt vum Osmanisch-Türkische Riich. Obwohl sit 1923 die türkisch Regierig in Ankara als dr offizille Hauptschtadt resididiert, isch Ischtambul witterhi die bi wittem wichtigscht türkisch Schtadt.
