West-Vlams

From Wikipedia

Et West-Vlams es de meest zuudwestelike dialectgroep van et Nederlands. 't Es surtout gesprook'n in de provinsje West-Vloandern en in 't west'n van Zeeuws-Vloandern in Olland. Ook in 't west'n van Oost-Vloandern zin d'r dialect'n gesprook'n die goed up 't West-Vlams trekk'n, lik in de streek'n van Maldegem in et Meetjesland, of in Zulte da nevers Woaregem ligt.

Tot an 't begun van de 20e eeuwe sproak'n ze ook courant West-Vlams in Frans-Vloandern. De Fransche Vloamiengn noemn under oorsproenkelike streektoale nuuze Vlamsche tale. Da Frans-Vlams es bikans uutgestorvn. Ollene nog en stik of tienduusd oedere menschn up de buut'n ken et nog, moa de joenge Frans-Vloamiengn spreek'n et Vlamsch elegansn nie mei.

Inoud 1 Geschiedenisse 2 Indelienge van 't West-Vlams 2.1 Voorbeeld'n van West-Vlamschn regionoaln word'nschat 2.2 Voorbeeld'n van West-Vlamsche vervoegiengn 2.3 Voorbeeld'n van West-Vlamsche regionoale uutdrukkiengn 3 Referensjes 4 Externe koppeliengn

[bewerk'n] Geschiedenisse

't West-Vlams en 't Oost-Vlams zin de directe upvolgers van et Vlams da gesprook'n wos in 't middeleeuwsche groafschap Vloandern. Da kwam a peu près overeen mei de udige provinsjes West-Vloandern en Oost-Vloandern in Belgje, en mei de Fransche regio Frans-Vloandern.

't Grotste stik van de Middelnederlansche literature es int Vlams en 't Broabants geschreevn. Da komt omdat in de 13e en 14e eeuwe et literaire zwoartepunt in Vloandern en Broabant lag.

Et Middelnederlans es de verzoamelienge van de Nederfrankische dialect'n die deur de platselike bevolkienge woarn gesprook'n in grote deeln van de Lege Land'n in de periode van 1150 tot 1500.

Bekende Middelnederlandsche werk'n lik Van den vos Reynaerde, Karel ende Elegast, Ferguut, Floris ende Blancefloer en de werk'n van van Maerlant (lik Der Naturen Bloeme) zin ollemoale in 't Vlams geschreevn.

[bewerk'n] Indelienge van 't West-Vlams

De Vos (zie Referensjes) deelt et West-Vlams in up boasis van verschilln in klanke en woordvormn.

• Noordelik West-Vlams: de streke tusschn den Iezer (Nieuwpoort), Knokke-Heist en Brugge, Toeroet
• Westelik West-Vlams: de Westoek, dat es de streke rond Veurne, Diksmude, Poperienge en Ippr
• Continentoal West-Vlams: de streke rond Roeseloare, Tielt en Kortrik
• Overgank mei 't Oost-Vlams: de streke rond Maldegem, Ruuslee, Woaregem en Anzegem

[bewerk'n] Voorbeeld'n van West-Vlamschn regionoaln word'nschat

• Regionoal West-Vlams
• Typische West-Vlamsche woord'n

[bewerk'n] Voorbeeld'n van West-Vlamsche vervoegiengn

• Ippersche-Poperiengsche grammatica
• Vervoegienge van ja, nêe en ols

[bewerk'n] Voorbeeld'n van West-Vlamsche regionoale uutdrukkiengn

• Typische West-Vlamsche uutdrukkiengn

[bewerk'n] Referensjes

• De Vos, M. Taal in stad en land - West-Vlaams, Uitgeverij Terra - Lannoo, 2005, ISBN 90 209 6051 2
• Ryckeboer, Hugo. Taal in stad en land - Frans-Vlaams, Uitgeverij Terra - Lannoo, 2005, ISBN 90 209 5856 9
• van der Wal, Marijke. Geschiedenis van het Nederlands (reeks Aula), Uitgeverij Het Spectrum, 1992. ISBN 90 274 1839 X

[bewerk'n] Externe koppeliengn

• Rapport van de Ethnologue over het West-Vlaams
• Huis van Alijn: info dialectgroepen (pdf)