Groafschap Vloandern
From Wikipedia
Dat artikel ier is nog ma e klêen begun. Ge wordt g'inviteerd vôor ip bewerk'n te klikk'n voe meer encyclopedische kennisse toe te voegn.. |
't Groafschap Vloandern oentstoend in de twêed'n elt van de 9e eêuw achter da Karel de Kale 't West-Frankisch ryk o g'erfd in 843. 't kerngebied van Vloandern lag ton tusschn Oudenburg, Eirdenburg (Aardenburg) en Toeroet. In 869 kost Boudewijn I met de ijzeren arm in grôte moate zelfstandig word'n teegnoovr de Fransche keunienk. 't Kerngebied van Vloandern lag ton roend Brugge. Ze breidegen under gebied uut toet an de Schelde.
[bewerk'n] 't Begun
't Geboorteproces van Vloandern begunt al van stif verre in de tied. De menschen die dr ton weund'n woaren e miengelienge van verschillende volken die lange 'n eign identiteit, 'n eign noame en 'n eign verleed'n add'n. In 58 vo Christus viel de Romeinse generoal Caius Julius Caesar 't gebied binn'n da nu Vloandren is. Deur z'n beschrieviengn droovr weet'n me dat er ton Belgische (Belgae), Germoansche en Keltische volksstammn weund'n lik de Menapiërs, de Morinen en de Eburonen. De Romeinen verdêeld'n 't gebied in 2 provincies: Germania inferior in 't ôost'n en Gallia Belgica in 't west'n. De Romeinse bezettienge deurde toet in 't joar 406. Ton kreegn Frankische stammn de controle oovr de gewest'n. De Meroviengr Clovis (482-511) sloagde derin van de verschillende Frankische stammn te verênign. Deur em kwoamn de gebied'n die nu Vloandren zin ôok mêer oendr invloed van 't katholieke geloof. Deur de veroverienge van Gallië deur de Frank'n woarn uuze gewest'n were e dêel van e grôot ryk. Volgns de Frankische geweunte wierd e keunienkryk verdêeld oender de verschillende zeuns van de keunienk. Doadeure kwamt er instabiliteit en verzwakte 't keunienklik gezag. In de loop van de 6e toet de 8e êeuw wierd 't Frankische ryk gereegld verdêeld en erênigd. Uutendelik wierd 't ersteld deur e nieuwe dynastie: van de Karoliengers.
[bewerk'n] De Karoliengers
Oender Karel de Grote (768-814) en Lodewijk de Vrome (814-840) bereikte 't Frankische ryk z'n toppunt. Binst da Karel de Vrome nog leefde begost'n z'n 3 zeuns al de stryd vo d' erfipvolgienge. De erfenisse wierd beslist deur 't Verdrag van Verdun in 843. Karel de Kale krêeg 't westelik dêel (woaroender Vloandren) en Lodewijk de Duitser 't ôostelik dêel. Die verdêlienge legde de groendslag vo de loatere keunienkryk'n Frankriek en Duutsland. Den oudste zeune Lotharius krêeg 't middelste dêel moa in 870 gieng dat ôok noa Lodewijk de Duitser. De Schelde vormde de grenze tusschen Frankriek en 't Duutsche ryk en da blêef azo toet de tied van Keizer Karel V (1519-1558).