Rio de Janeiro (ciutat)

Un article de Wikipèdia, l'enciclopèdia liura.

Vista panoramica de la zona sud de la ciutat de Rio de Janeiro.

Rio de Janeiro
Estat	Rio de Janeiro
Superficia	1 256 km²
Populacion	6 094 183 (2005)
Jorn de fondacion	1 de març de 1565
Altitud	2 m
Latitud	22.54° S
Longitud	43.14° O
Distància de Brasília	1140 km (per la rota BR-040)
Còdi postal (CEP)	20000-000 a 23999-999
Administracion	Prefeitura Municipala de Rio de Janeiro Rua Afonso Cavalcanti, 455 - Cidade Nova CEP: 20211-110
Internet	Administracion municipal
Prefècte de la ciutat (Partit)	César Maia (PFL)
Mapa del Brasil amb la vila

Rio de Janeiro es la segonda vila del Brasil en populacion totala. Compta 6 094 183 abitants (estimacion de 2005), e son airal metropolitan, 11 milions d'abitants.

Es una vila toristica famosa en tot lo mond, e tanben un important centre de comèrci e servicis, portuari, aeroportuari (lo segond aeropòrt del Brasil en movement de passagièrs) e tanben industrial (noiduras e bevendas, textil, rafinaria de petròli, construccion de vaissèls, etc).

Lo metrò de la ciutat a 42 km d'extension, 2 linhas e 38 estacions.

[Modificar] Istòria

La Baia de Guanabara (pròchi de la ciutat) foguèt descobèrta lo 1 de genièr de 1502. Lo nom Rio de Janeiro foguèt lo resultat d'una confusion de la baia amb un riu.

Los Franceses comandats per Nicolau Durand de Villegaignon ocupèron l'illa de Serigipe (actuala illa de Villegaignon) mas foguèron expulsats pels portugueses. En 1711, lo corsàri francés René Duguay-Trouin tempta una nòva invasion, amb 7 vaissèls e 3200 òmes, mas abandona la ciutat aprèp un acòrdi.

La ciutat foguèt transformada en capitala de la colonia portuguesa del Brasil en 1763. Dempuèi l'independéncia, es venguda capitala. Solament en 21 d'abril de 1960 amb l'inauguracion de Brasília, la ciutat a abandonat lo pòst de capitala brasiliana.

La ciutat foguèt transformada en capitala de l'estat de Rio de Janeiro en 15 de març de 1975.

[Modificar] Punts toristics mai coneguts

Lo Crist Redemptòr (en la montanha del Corcovado)
La montanha del Pan de Sucre
L'estadi de Maracanã
Las plajas de Copacabana, Ipanema, Leblon, e Barra da Tijuca
Los edificis istòrics del centre de la ciutat
Museus: Museu Nacional (en lo parc Quinta da Boa Vista), Museu Nacional de Belas Artes, Museu de Arte Moderna, lo Museu da República, etc.