Rio de Janeiro (urbo)

From Wikipedia

Panorama di sudo regiono di la urbo di Rio de Janeiro.

Rio de Janeiro, en Brazil, esas la chefurbo di la homonima stato di Rio de Janeiro. Ol jacas en litoro, 420 km esta del urbo di Sao Paulo, e 1140 km suda di Brasilia, la chefurbo di Brazil.
Rio havas 5.473.909 lojanti segun 2000 kontado.

Rio de Janeiro esas la maxim konocita turistika-urbo di Brazil, danki a sua plaji: Copacabana, Ipanema, Leblon, Sao Conrado, Barra da Tijuca. Altra punti turistala: Pano di Sukro (in portugalana linguo, Pão de Açucar), Kristo Redemptoro, Tijuca Foresto (ke havas 14,8 km² di surfaco), Metropolita Katedralo, e diversi historiki monumenti. Ma l'urbo esas anke la maxim importanta portuo (la duesma portuo di Brazil en komerco) e havas importanta aeroportuo internaciona (Aeroportuo Internaciona Tom Jobim). Komerco, servico, industrio e financo anke esas importanta ekonomiala aktivi.

[redaktar] Historio

La Guanabara Bayo esis deskovrita ye 1 di januaro 1502 da portugalana Gaspar de Lemos. Gaspar pensis ke la bayo esis rivero, e nomesis la regiono Rio de Janeiro ("Rivero di Januaro"). Ye 1 di marto 1565 la urbo de Rio de Janeiro esis fondita.

Rio esis chefurbo di Brazil de 1763 (kande Brazil esis portugalana kolonio) til 21 di aprilo 1960 (kande la prezidanto Juscelino Kubitschek inauguris Brasilia, la nuna chefurbo di Brazil). De 21 di aprilo 1960 til 15 di marto 1975 l'urbo formis la brazilana mikra-stato di Guanabara (formis unike da urbo di Rio de Janeiro).

Ye 15 di marto 1975 Guanabara stato fuzionis kun Rio de Janeiro stato, e l'urbo di Rio de Janeiro esis transformita en chefurbo di la fuzita stato di Rio de Janeiro.

[redaktar] Kelka famoze brazilani ke livis en Rio de Janeiro (urbo)

• Chico Buarque, muzikisto
• João Gilberto, muzikisto
• Machado de Assis, autoro
• Oscar Niemeyer, arkitekto
• Pedro 2ma di Brazil, cezaro
• Sérgio Vieira de Mello, diplomatisto
• Tom Jobim, muzikisto