Оперативен систем

Од Википедија, слободна енциклопедија

Оперативниот систем е најважната програма на компјутерот. Секој компјутер за општа примена мора да има оперативен систем за да може да се отвораат други програми. Оперативниот систем извршува основни работи, како што е препознавање на внес од тастатурата, испраќање на излезен сигнал до мониторот, да врши контрола на сите фајлови и директориуми на дискот, контрола на други помошни уреди како што се тврди дискови, принтери, модеми и друго.

За големи системи, оперативниот систем има уште поголема одговорност и моќ. Тој е како сообраќајен полицаец, тој се грижи за различни програми и корисници кои работат во исто време да не се мешаат едни со други. Оперативниот систем е исто така одговорен за безбедноста, при што тој не им дозволува на непријавени корисници да се поврзат на компјутерот.

Оперативните системи можат да се поделат на:

- Повеќе-кориснички: Дозволува два или повеќе корисници да имаат отворено програми во исто време. Некои оперативни системи дозволувват стотици дури и илјадници корисници во исто време.

- Повеќе-процесирачки: Поддржува работа на програма на повеќе од еден компјутерски процесор (CPU).

- Повеќе-операциска: Дозволува работа на повеќе од една програма истовремено.

- Повеќе-деловна: Дозволува работа на различни делови од една програма истовремено.

- Реално-времени: Веднаш реагира на внесена команда. Општо применетите оперативни системи, како DOS (Диск Оперативен Систем) и Јуникс, не се реално-времени.

Оперативниот систем вклучува и софтверска платформа, над која можат другите програми (наречени апликациски програми) да работат. Апликациските програми мораат да бидат напишани да работат врз некој оперативен систем. Затоа, твојот избор на оперативен систем зависи од голем број на програми кои можат да работат на него. За персонални компјутери најпознати се Windows, DOS, OS/2, но има и некои други како што е ГНУ/Линукс.

Како корисник, вие најчесто ќе комуницирате со оперативниот систем преку листа на команди. На пример, DOS оперативниот систем содржи команди како COPY (Копирај) и RENAME (Преименувај) кои се користат за копирање и преименување на фајлови. Командите се примаат и обработуваат од делот на оперативниот систем наречен команден процесор или преведувач на командната линија. Графички-кориснички-интерфејс дозволува внесување на команди со покажување и притискање на објекти кои се појавуваат на екранот.