Sistema operativu

De Uiquipedia

Un sistema operativu (SO) ye, n'informática, un conxuntu programes o software pa permitir comunicase al usuariu col ordenador y xestionar los sos recursos de manera afayadiza y eficiente. Entama a trabayar de la que se prende l’ordenador, y xestiona’l hardware de la máquina dende los niveles más básicos. Güei en día un sistema operativu pode encontrase normalmente n’ordenadores o productos electrónicos como teléfonos móviles

[editar] Otra definición

Otra definición posible y abondo aceutada define un sistema operativu como una capa complexa ente’l hardware y l’usuariu, concebible tamién como una máquina virtual, que-y facilita al usuariu o al programador les ferramientes e interfaces aparentes pa facer les sos xeres informátiques, allanando-y los llaboriosos procesos necesarios pa llevales a cabu. Por exemplu, un usuariu normal namás abre los ficheros grabaos nun discu, ensin esmolecese pola disposición de los bits nel mediu físicu, los tiempos d'espera’l motor del discu, la posición d'un cabezal, l’accesu d'otros usuarios, etc. Magar que ye un tema afayao al alderique, dalgunos espertos tan d’alcuerdu en qu’un sistema operativu tien que tener, polo menos, un conxunto programes asemeyáu al siguiente:

• Un compilador d'algún llinguax de programación, en Unix es de C.
• Un enllazador.
• Un amestador.
• Un intérprete de comandos.
• Una amplia biblioteca del llinguax de la plataforma.
• Un kernel o nucleu.

[editar] Definición coloquial

Otra definición, más coloquial, noma sistema operativu a tol software que vien col ordenador enantes que s’instalar aplicación nenguna. Según esta definición, orientada al usuariu final, les ferramientes de desarrollu nun son necesaries y, sicasí, considérense elementos imprescindibles un ampliu númberu de programes orientaos a delles xeres, como editores de testu, alministradores d’archivos, navegadores, etc.

[editar] Carauterístiques

• Alministración de xeres:
  • Monoxera: Si namás pode executar un programa (aparte de los procesos del propiu S.O.) nun momentu dau. Una vegada qu’entama a furrular un programa, siguirá faciéndolo dica que fine o seya interrumpío.
  • Multixera: Si ye capaz d'executar dellos programes al mesmo tiempu. Esti tipu de S.O. normalmente asigna los recursos disponibles (CPU, memoria, periféricos) de forma alternativa a los programes que-y los piden, de manera qu’al usuariu paez-y que toos furrulen a la vez.
• Alministración d'usuarios:
  • Monousuariu: Si namás permite executar los programes d’un usuario al mesmo tiempu.
  • Multiusuariu: Si permite que dellos usuarios executen a la mesma vegada los sos programes, garrando tolos recursos del ordenador. Normalmente estos SS.OO. empleguen sistemes de protección de datos, de manera qu’un programa nun poda usar o camudar los datos d'otru usuariu.
• Manexu de recursos:
  • Centralizáu: Si dexa emplegar los recursos d’un solu ordenador.
  • Distribuyíu: Si dexa emplegar los recursos (memoria, CPU, discu, periféricos... ) de más d’un ordenador a la mesma vegada.
• Organización interna:
  • Kernel monolíticu (Linux, BSD, skyOS, Windows, Syllable).
  • Microkernel (BeOS, Mach, MacOSX, newOS).
  • Nanokernel (AdeOS, Eros, KeyKOS, Brix-OS).
  • VoiD (unununium, TUNES, Vapour).
  • Sasos (Opal, Mungi, BriX).
  • VM (Merlin, Argante).
  • Exokernel (MIT exokernel).
  • Cache kernel (Universidá de Stanford).