Големите езера
Од Википедија, слободна енциклопедија
- Оваа статија е за групата на северноамерикански езера. За африканските езера, видете Африкански големи езера. За други значења видете Големи езера (појаснување).
Големите езера се група на пет големи езера во Северна Америка на или блиску до границата помеѓу Канада и САД. Тие се најголемата група на слатководни езера на Земјата. Системот Големи езера-Сент Лоренс е најголемиот слатководен систем во светот. Тие понекогаш се нарекуваат внатрешни мориња.
[уреди] Езера
Големите езера се:
- Горно Езеро (најголемо по волумен и најдлабоко, поголемо од Шкотска или Јужна Каролина)
- Мичиген (второто најголемо по волумен и трето најголемо по површина; единственото кое се наоѓа само на територијата на САД)
- Хјурон (третото најголемо по волумен; второ најголемо по површина)
- Ири (најмалото по волумен и најтрсковито)
- Онтарио (второто најмало по волумен и најмало по површина, на многу пониска елевација отколку останатите).
Езерата Мичиген и Хјурон, хидролошки поврзани, понекогаш се сметаат за еден ентитет: езеро Мичиген-Хјурон. Заедно, овие езера се поголеми по површина од Горното Езеро, но помали по вкупен воден волумен.
Многу помалото шесто езеро, Сент Клер, е дел од системот на Големите езера и се наоѓа помеѓу езерото Хјурон и Ири, но не се смета за едно од "Големите езера". Овој систем исто така ги вклучува реките кои ги поврзуваат езерата: Сент Мерис помеѓу Горното Езеро и Хјурон, Сент Клер помеѓу Хјурон и езерото Сент Клер, Детроит помеѓу езерото Сент Клер и Ири, и Нијагара и Нијагарините Водопади помеѓу Ири и Онтарио. Езерото Мичиген е поврзано со Хјурон преку протокот Мекинак. Големи острови и еден полуостров го делат Хјурон на самото езеро и Џорџискиот Залив.
Езерата се опколени со териториите на покраината Онтарио (освен езерото Мичиген), потоа сојузните американски држави Минесота, Висконсин, Мичиген (освен езерото Онтарио), Илиноис, Индијана, Охајо, Пенсилванија и Њујорк. Четири од петте езера се протегаат долж границата меѓу САД и Канада; петтото езеро Мичиген е целосно на територијата на САД. Реката Сент Лоренс, која ја обележува истата меѓународна граница во еден дел од својот тек, е примарен излез на овие поврзани езера и тече низ Квебек, го поминува полуостровот Гаспе и се влева во Атлантскиот Океан.
Има околу 35,000 Големоезерски Острови распрскани низ езерата, вклучувајќи ги островот Манитулин во езерото Хјурон, најголемиот остров во било која копнена водена површина на Земјата, и островот Ројал во Горното Езеро, најголемиот остров во најголемото езеро.
| Региони на светот | |||
|
|
|||
 |
Америка | Северна Америка | Кариби · Средна Америка · Северна Америка Големите езера · Големите висорамнини · Латинска Америка · Пацифички северозапад · Пацифички прстен |
| Јужна Америка | Држави на Андите · Гвајана · Латинска Америка · Патагонија · Пацифички прстен · Огнена Земја | ||
|
|
|||
 |
Африка | Источна Африка · Северна Африка · Централна Африка · Јужна Африка · Западна Африка Африканските големи езера · Гвинеја · 'Рт на Африка · Магреб · Средоземно Море · Среден Исток · Сахел · Потсахарска Африка · Судан |
|
|
|
|||
 |
Евроазија | Азија | Централна Азија · Источна Азија · Северна Азија · Јужна Азија · Југоисточна Азија · Југозападна Азија Мала Азија · Арабиски Полуостров · Кавказ · Далечен Исток · Индија · Индиски Полуостров · Левант · Среден Исток · Близок Исток · Пацифички прстен · Сибир |
| Европа | Источна Европа · Северна Европа · Јужна Европа · Западна Европа Балкан · Балтички регион · Бенелукс · Британски острови · Кавказ · Средна Европа · Средоземно Море · Нордиски регион · Скандинавија |
||
|
|
|||
 |
Океанија | Австралазија · Меланезија · Микронезија · Полинезија Пацифички прстен |
|
|
|
|||
 |
Поларни региони | Арктик · Антарктик | |
|
|
|||
