Welsh
Van Wikipedia
Welsh of Cymrisch (inheimse naom Cymraeg) is de taol die vaanajds in Wales gesproke weurt. 't Is vaan alle Keltische taole de groetste: 'rs zien 580.000 sprekers, oongeveer 20 % vaan de Welshe bevölking; in 1991 waor dat nog 18%. In 't dichbevolkte zuide, boe de houfstad Cardiff ligk, euverhiers 't Ingels; in 't midden en noorden evels is 't Welsh de taol vaan de mierderheid; 't feit dat dee gebiede dön bevolk zien zörg deveur tot meh 'n meenderheid de taol sprèk. Welsh is de einege Keltsiche taol die nog in alle domeine leef; de sprekers vaan de aander taole woene in gebede die in de twintegste ieuw twie- of dreitaoleg gewore zien en höbbe dageliks mèt sprekers vaan groete taole te make.
't Welsh behuurt mèt 't Cornish en 't Bretoens tot de zuidelike tak vaan Keltische taole, die wel same 't p-Keltisch geneump weure. De aander Keltische taole heite daan q-Keltisch (vergliek Welsh pwy; Iers cwi "wee").
