Norbik
Van Wikipedia
- Dit artikel is gesjreve in 't Norbiks. 't Weurt gewaardeerd óm in dit artikel woe meugelik 't Norbiks aan te hawte.
Norbik (Nederlands Noorbeek) is e dörp in de gemingte Mergraote in Zuud-Limburg. Norbik liekt in 't Noordal aan de Noor (beek). Tot aan de gemingteleke herindeling in 1982 waor 't 'n zelfsjtendige gemingte mèt de buurtsjappe Sjei, Bergenhoëze, Ge Kruuts (Hoogcruts), Sjilberg, Terlinne, Ulvend, Vroële en de Wesj. In Norbik wonne óngeveer 900 luuj.
D'r kern va Norbik is saer 1987 besjermt dörpsgezich. De mergele, gotische Brigidakèrk an d'r Pley, oet 1500, liegkt op 'ne motte en haat driej beuke en 'ne typisch Limburgse kèrktore. Roond de kèrk liegkt d'r aowe kèrkhof. D'r petroeënhillige Seent Briej (Brigida) hat vör de kèrk nog 'n apaarte kapel, die in 1700 is gesjtich ter ière van häör. Zie is besjermhillige van 't haoënvieë en daorum wert ze aafgebeeld mèt 'n koo. Op häöre fièsdaag, op 1 februari, kieëme vreuger väöl pelgrims hie nao toe.
In en rónd 't plaetske zeunt väöl vakwerkhoezer en 'n zestig veldkruzer zeunt bewaard geblaeëve. 'ne Wèrkgroep waegkruzer zörg veur 't insjtandhoute.
Inhawd |
[bewirk] Buurtsjappe
Gehuchte en buurtsjappe:
- Bergenhoëze
- Ge Kruuts (gedeiltelik)
- Sjilberg (gedeiltelik)
- Sjei
- Terlinne (gedeiltelik)
- Ulvend (gedeiltelik)
- Vroële
- De Wesj
[bewirk] Evenemente:
- Op d'r 1e zóndeg van de vaste vindt 't burkbraëne plaats, in Norbik foonk-foonk-fakkele genumd. De keender van 't dörp trèkke dan mèt fakkele ónder begeleiding van de harmonie nao 'ne brandsjtapel en sjteke dao 't vuur in.
- Op d'r 2e zaoterdeg nao Paosje wert 'ne nuuje Brigida-den 't dörp ingehaold dör de jónkheid van 't dörp. De getrowde mansluuj zitte d'r den rech väör de kirk. Wie Seent Briej in 1634 de bevolking van 'n ernstige vièplaog verlosde is belaofd um jaorleks d'r den es daank väör de kirk te plaatsje.
- Op d'r 3e zóndeg nao Pinkstere is kèrmes in Norbik.
- De Mieddelièwse börchfièste weure eder jaor gehoute op d'r Pley bie de kèrk. De festiviteite besjtoon oet 'n jaormert, toneel en zank in Mieddelièwse kleijer.
- Op 15 augustus (Maria-hemelvaart) vingk 'n 12 km lang pelgrimswandeling plaats nao 't baevaartkapelke van Slevevrouw van Lorette bie Visé in Belsj.
- Op 15 & 16 juli zulle de Nederlandse kampioensjappe mountainbike waere gehouwe.
[bewirk] Dörpsvereiniginge
- Carnavalsvereiniging de Haeversj
- Sjutteriej Sint Brigida
- Harmonie Berggalm
- Toneelgroep de Bron
[bewirk] Gebaore in Norbik
- Pierre Joseph Lardinois, politicus
- Jean-Pierre de Warrimont, archeoloog en internationaal erkende veender (31 oktober 2006) van de aodste prehistorische artefacte van 't Nederlands taalgebied
- Bep Mergelsberg, geaongazjeerd dichter, sjriever, columnist in 't Limburgs en 't Nederlands
- extern website: http://www.noorbeek.nl
|
|
 |
|---|---|
| Dörper: Tebannet | Bieëmele | Keer | Ikkelder | Mergraote | Maer | Norbik | Sjuuëlder | Se-Gietere | |
| Buurtsjappe en gehuchte: Berg | Bergenhoëze | Bruusjterbusj | Gastes | Groeët-Welsde | Herkenter | Hoontem | Ge Kruuts | Klae-Welsde | Liebik | Moersjelt | 't Roeët | Sjei | Sjilberg | Sint Antoniusbank | Terhoorsj | Terlinne | Termaar | Ulvend | Vroële | De Wesj | 't Wolfses | |
