Leech
Van Wikipedia
Onder leech verstoon veer straling die ozze auge opvange wadoor veer kinne zeen.
Meh wat is leech noe precies? Euver leech bestoon twe theorieë en veur beide vilt get te zegge. Beide theorieë weure dan auch verdedig door veuraanstaonde natuurkundige.
- leech zeen golve: leech is niks anders dan golve. Dees golve golve euver een bepaalde lengte (golflengte) net zo es radiogolve en microgolve. Dees theorie woort al in de 17e eeuw bedach door Christiaan Huygens mèr woort pas beweze in de 19e eeuw door Thomas Young.
- leech is 'ne streum van deilkes: de ander theorie geit d'r van oet dat leech kleine pakketsjes energie zeen. Dees theorie woort bedach in de 17e eeuw door Sir Isaac Newton.
't Probleem wat de theorieë op zichzelf höbbe is dat ze neet gans 't gedraag van leech kinne verklaore. De theorie van de golve kin neet verklaore warum infrarwad beveurbeeld auch es wermte geveuld kin weure en de theorie van de deilkes kin 't breke en reflectere van leech neet good verklaore.
De verschillende kleure van 't leech weurt 't leechspectrum (dit is onderdeil van 't elektromagnetisch spectrum) geneump. 't Spectrum begint bie infrarwad en eidig bie ultra paors. 't Zichbare leech hèt 'ne golflengte van 400 tot 700 nanomèter (1/1.000.000.000 mèter). Ultra paors hèt 'ne kleinere golflengte en infrarwad hèt 'ne grwatere golflengte.
Wit leech is trouwens een combinatie van alle kleure bie=ein en zwart is dat alle kleure weure opgenome.
