Fries
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
't Fries is de samevattende benaoming veur drei taole in Noord-Nederland en Noord-Duitsland die vaan 't aajd Fries aofstamme. Dat Fries woort in de Middelieuwe gesproke in de Nederlandse provincies Noord-Holland, Friesland en Greuninge, en in de Duitse gebede Ostfriesland en Nordfriesland.
De noe nog gesproke Friese taole zien Weslauwers Fries, in de Nederlandse provincie Friesland, Oosfries, in e klein gebeedsje in Ostfriesland dat me Saterland neump, en Noordfries, in e deil vaan Nordfriesland. 't Weslauwers Fries heet mèt veursproonk de meiste sprekers.
't Weslauwers Fries is erkind es Europese minderheidstaol in 't kader vaan 't Europees handvest voor regionale talen en talen van minderheden. In 2005 ratificeerde Nederland 't Kaderverdrag inzake bescherming van nationale minderheden en teikende minister Remkens e convenant wat de Frieze in Friesland erkint es nationaol minderheid en 't rech gief op 't gebruuk vaan hun taol in bestuurlike en rechterlijke zake.