Berge
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
- Dit artikel geit euver de Waalse sjtad Berge. Ander plaatsje mit deze naam zint hie es Bergen gesjpeld.
Berge (Frans: Mons, Picardisch: Mont) ies 'n sjtad en gemeinte in de Belzje provincie Henegouwe. Berge ies de hoofsjad van dees provincie en van 't arrondissement Berge. De gemeinte haet 'n oppervlak van 146,56 km² en 90.946 inweunersj (1 juli 2005). Berge liek in 'n heuvelechtig gebeed (vandao de naam) in 't mienindustriegebeed de Borinage. De gemeinte haet de volgende deilgemeintes: Ghlin, Flénu, Jemappes, Maisières, Nimy, Havré, Harmignies, Harveng, Hyon, Mesvin, Nouvelles, Ciply, Saint-Symphorien, Villers-Saint-Ghislain, Spiennes, Cuesmes, Obourg en Saint-Denis. De gemeinte liek aan de Hene, de Trouille en 't Centrumkanaal.
Inhawd |
[bewirk] Functies
De sjtad haet 'n verzörgingsfunctie veur de Borinage. Saer 1967 ies in Berge 't Europees militair hoofkerteer van de NAVO gevestig (de Supreme Headquarters Allied Powers Europe). De sjtad haet 3 universiteite, 'n conservatorium en 'n kunsacademie. Industrie bevink ziech veural boete de sjtad zelf, en in 't zuie liegke inkel deilgemeintes mèt 'n agrarisch karakter. De sjtasie van Mons haet verbinginge nao Brussel en de Belzje kös, en ouch de Thalys sjtop hie.
[bewirk] Sjtadsbeeld en bezeenswaerdighede
In 't centrum van Berge sjtoont väöl intersante historische geboewe. De ónvoltoajde collegiaal Sint-Waltrudiskèrk in Brabantse hoaggotiek haet 16e-ièwse glaas-in-loadvènstere. Vanaaf 1457 waor de leijing euver de boew van dees kèrk in heng van Matthijs de Layens. In 't interieur bevink ziech renaissancebeeldhouwwerk van Jacques Dubrœucq en de opmerkelike Car d'or, 'ne riek verseerde vergulde praalwage oet 1780.
De Groate Mert ies 't centrum van de ouw sjtad. Hie liegke 'n aantal bezeenswaerdige geboewe, woa-ónder 't sjtadhoes in gotische sjtiel. Links van d'n ingank bevink ziech de Singe du Grand Garde, 'n beeld van 'n eepke, woavan me zaet dat 't gelök brink es me zien köpke käört.
't Belfort van Berge dateert oet 1661–1669 en ies 't enig barok belfort van Belsj.
[bewirk] Gebore in Berge
- Guido de Brès (1522-1567), theoloog
- Orlando di Lasso (1532-1594), componis
- ! Aan dit artikel weurt de kómmende tied nog doorgewèrk. Tot daen tied kan d'n inhaud van dit artikel veurnaam informatie misse of nog neet good in zie verbandj ligke.