Terry Gilliam
Vu Wikipedia, der fräier Enzyklopedie.
Den Terence Vance Gilliam (gebuer den 22. November 1940 zu Medicine Lake, Minnesota) as e britesche Filmregisseur, Schauspiller an Animatiounsfilmmécher vun amerikaneschenOriginen. Hie war ee vun de Membere vun der Monty Python Grupp.
No der High school huet hie fir d'éischt Physik, duerno Konscht a schlussendlech Politikwëssenschaft studéiert. Hien huet un der Uniszeitung Fang matgeschafft a gouf fir ee Joer hire Chefredakter. Hie war deemools staark vum Humor vum Mad magazine beaflosst, deen deemools vum Harvey Kurtzman erausgi gouf. No der Uni huet de Gilliam kuerz bei enger Publicitéitsagence geschafft, duerno an der Zäitschrëft Help!.
Inhaltsverzeechnes |
[Änneren] Als Zeechner
Den Terry Gilliam huet sen Carrière als Zeechentrickfilm- a Comiczeechner ugefaangen. Hien as an England geplënnert, wou e fir d'Tëleesserie Do Not Adjust Your Set geschafft huet, a wou en déi spéider Monty-Python-Memberen Eric Idle, Terry Jones, a Michael Palin kennegeléiert huet. Hie war dann och bei der Grënnung vum Monty Python's Flying Circus derbäi.
[Änneren] Als Regisseur
Dem Gilliam säin Intressi huet sech ëmmer méi zu der Dréibuchschreiwen an zu der Filmregie hin entwéckelt.
[Änneren] Filmer ënert senger Regie
- Monty Python and the Holy Grail (zesumme mam Terry Jones) (1975)
- Jabberwocky (1977)
- Time Bandits (1981)
- The Crimson Permanent Assurance (1983) — Eng Zort Virfilm zum Monty Python's The Meaning of Life
- Brazil (1985)
- The Adventures of Baron Munchausen (1988)
- The Fisher King (1991)
- Twelve Monkeys (1995)
- Fear and Loathing in Las Vegas (1998)
- The Brothers Grimm (2005)
- Tideland (2006)
Säi Versuch, dem Miguel Cervantes säin Don Quijote mam Jean Rochefort an der Haaptroll ze verfilmen, ass näischt ginn: De Rochefort hat et mat de Bandscheiwen a konnt onméiglech op engem Päerd sëtzen, an e Stuerm mat Donnerwieder hat den halwe Filmset zerstéiert. De Film ass ni fäerdech ginn; et gëtt awer en "Non-making of" mam Titel Lost In La Mancha.
[Änneren] Soss
2002 huet de Gilliam d'Regie fir eng Rëtsch Reklamme fir Nike gefouert. Hie war och 2006 Regisseur vun der Theatershow "Slava's Diabolo", vum russesche Clown Slava Polunin.
[Änneren] Bibliographie
- Gilliam, Terry and Christie, Ian (Ed.) (1999). Gilliam On Gilliam. Faber & Faber. ISBN 0571191908
- From Fringe to Flying Circus - 'Celebrating a Unique Generation of Comedy 1960-1980' - Roger Wilmut, Eyre Methuen Ltd, 1980.
[Änneren] Um Spaweck
| Commons: Terry Gilliam – Biller, Videoen oder Audiodateien |
