Тэры Гіліям

Зьвесткі зь Вікіпэдыі — вольнай энцыкляпэдыі.

Тэры Гіліям

Тэрэнс Вэнс Гіліям (нарадзіўся 22 лістапада 1940) – кінарэжысэр і ўдзельнік камэдыйнай групы Монты Пайтон. Нарадзіўся ў Мінэапалісе (ЗША), цяпер жыве ў Англіі і мае падвойнае амэрыканска-брытанскае грамадзянства.

Зьмест

1 Анімацыя
2 Рэжысура
3 Бібліяграфія
4 Зьнешнія спасылкі

[рэдагаваць] Анімацыя

Тэры Гіліям пачынаў сваю кар'еру як аніматар і кароткамэтражны мультыплікатар. Адна зь першых ягоных прац – фотасэрыя для журналу «Help!» Гарві Курцмана з удзелам Джона Кліза. Па пераезьдзе ў Англію, ён рабіў анімацыі для «Do Not Adjust Your Set», а потым далучыўся да «Лятучага цырку Монты Пайтона» і стаў адзіным не брытанскім удзельнікам. Пазьней Гіліям рабіў анімацыйныя рэклямныя ролікі, а таксама мультыплікацыі на палітычныя ды гістарычныя тэмы.

[рэдагаваць] Рэжысура

У кінарэжысуры ў Гіліяма склалася рэпутацыя чалавека, які робіць вельмі дарагія фільмы, пры гэтым зьвязаныя з шматлікімі праблемамі ў іхняй вытворчасьці. Пасьля доўгіх спрэчак зь «Юнівэрсал Студыёс» наконт фільму «Бразылія», наступным фільмам Гіліяма стаў «Прыгоды Барона Мюнхаўзэна», які каштаваў каля 46 міліёнаў даляраў, але атрымаў толькі каля 8 міліёнаў у амэрыканскім пракаце. Пазьней Гіліям спрабаваў зьняць фільм «Чалавек, які забіў Дона Кіхота», зь бюджэтам у 32,1 мільёна даляраў, але ў першы ж тыдзень здымак актор, які граў Дона Кіхота (Жан Рашфор) атрымаў пашкоджаньні і ўсе здымкі былі адмененыя. Праз гэтае была атрыманая страхоўка памерам 15 міліёнаў даляраў.

[рэдагаваць] Зрэжысаваныя фільмы

Монты Пайтон і Сьвяшчэнны Грааль (Monty Python and the Holy Grail) (разам з Тэры Джонсам) (1975)
Бязглузьдзіца (Jabberwocky) (1977)
Разбойнікі часу (Time Bandits) (1981)
Бразылія (Brazil) (1985)
Прыгоды Барона Мюнхаўзэна (The Adventures of Baron Munchausen) (1988)
Кароль-рыбак (The Fisher King) (1991)
Дванаццаць малпаў (Twelve Monkeys) (1995)
Страх і нянавісьць у Лас-Вэгасе (Fear and Loathing in Las Vegas) (1998)
Браты Грым (The Brothers Grimm) (2005)

У 2006 годзе плянуецца выхад на экраны яшчэ аднаго фільма Гіліяма «Краіна прыліву» (Tideland).

[рэдагаваць] Гіліям і Гары Потэр

Джоан Роўлінг, аўтарка Гары Потэра, зьяўляецца прыхільніцай творчасьці Гіліяма. Менавіта таму яна прапанавала Тэры Гіліяма ў якасьці рэжысэра першай часткі экранізацыі прыгодаў Гары Потэра – «Гары Потэр і філязофскі камень». Але кампанія «Warner Brothers» адмовілася ад паслугаў Гіліяма, і замест яго фільм зьняў Крыс Калямбус.

[рэдагаваць] «Сакрэтны турнір»

У 2002 годзе Гіліям зьняў сэрыю тэлевізійных рэклямных ролікаў пад назвай «Сакрэтны турнір». Гэтыя ролікі былі часткай рэклямнай кампаніі фірмы «Nike» да чэмпіянату сьвету па футболе, дзе апавядалася пра сакрэтны турнір «тры-на-тры» паміж сусьветна вядомымі футбалістамі ўнутры вялізнага танкэра. Галоўнай песьняй гэтых ролікаў была «A Little Less Conversation» Элвіса Прэсьлі.