Jupitero
From Wikipedia
Jupitero esas maxim granda planeto en la sunala sistemo. Olu ne havas tala solida sulo kam Tero havas. Nur la supra strato de nebula strati esas videbla. On povas vidar hela e ne-hela linei equatorala. La maxim granda spoto, posible ciklono, remarkesis ja ye 17ma yar-cento.
- Mezala disto del Suno = 778 milioni km.
- un yaro = 11 yari e 315 dii (terala).
- un dio = c. 10 hori.
- temperaturo = -140 ˚C.
Jupitero pleis importanta rolo, kande on komencis asertar, ke existas suno-centra sistemo dil planeti. Jupitero esas quale mikra “sunala” sistemo kun planeti (i.e. sateliti). Pos l’ invento dil teleskopo Galileo Galilei vidis ye 1610, ke quar sateli orbitas cirkum Jupitero samamaniere kam planeti posible orbitas la Suno. Nun la quar sateliti, la maxim granda, (Ganymedes, Kallisto, Io, Europa) esas nomizita kom sateliti di Galilei. Entote Jupitero havas 17 sateliti. Jupitero havas anke dina ringo, quo ne esas videbla de Tero.
