Materia
Na Galipedia, a wikipedia en galego.
En física, materia (do latín matería, substancia física) é calquera cousa que posúe masa, ocupa espazo e está suxeita a inercia. A materia é aquilo que existe, aquilo que forma as cousas e que pode observarse como tal; está sempre constituída de partículas elementares con masa non-nula (como os átomos, e en escala menor, os prótons, neutróns e electróns).
De acordo coas descubertas da física do século XX, tamén se pode definir materia como enerxía vibrando en baixa frecuencia. A concepción de materia en oposición a enerxía, que perduraba na Física desde a Idade Media, perdeu un pouco do sentido coa descuberta (anunciada en teoría por Albert Einstein) de que a materia era unha forma de enerxía.
Poden existir tres estados de agregación da materia, que varían conforme a temperatura e a presión as cales se submete un corpo: o estado sólido, que é cando as partículas elementares se atopan fortemente ligadas, e o corpo posúe tanto forma canto volume definidos; o estado líquido, no cal as partículas elementares están unidas máis fracamente do que no estado sólido, e no cal o corpo posúe apenas volume definido; e o estado gaseoso, no cal as partículas elementares se atópan moi fracamente ligadas, non tendo o corpo nin forma nin volume definidos,i. e. o gas ocupa todo o recipiente.
Existen dous tipos de propiedades, as propiedades xerais que están presentes en todos os tipos de materia e as propiedades específicas que distinguen as substancías.
Propiedades xerais:
- Extensión, indica o espazo ocupado pola materia.
- Impenetrabilidade, concepto de que onde estiver un corpo non pode estar outro.
- Mobilidade, poder ocupar sucesivamente diferentes posicións no espazo.
- Compresibilidade, poder diminuír de volume baixo acción doutras forzas.
- Elasticidade, poder de voltar a tomar a forma orixinal no momento de disipasión de todas as forzas que lle aplicaronse.
- Inercia, un corpo non pode alterar por si o seu estado de repouso ou de movemento, o cal se avalía pola masa.
- Ponderabilidade, un corpo cando suxeito a un campo gravitico, avalíase polo peso.
- Divisibilidade, poder de se dividir en particulas menores que a orixinal.
Propiedades específicas:
- Peso especifico.
- Porosidade.
- Estrutura.
Na filosofía, a materia é obxecto de estudos da ontoloxía, a disciplina que se preocupa en responder basicamente á pregunta: "Que existe?" A materia é definida nalgúns sistemas filosóficos como manifestación da realidade, en oposición á idea.
