Deserto
Na Galipedia, a wikipedia en galego.
En xeografía, un deserto é un territorio que recibe escasas precipitacións, que ten un solo moi pobre e escasa fauna e reducida vexetación, como moito herbas, matogueiras espiñosas e cactos. Aproximadamente a terceira parte da Terra é deserto, o 16% desertos cálidos e 19% desertos fríos.
As paisaxes desérticas teñen algunhas características en común, o chan componse, a miúdo, de area, adoita haber dunas, típico é o terreo rochoso que reflicte o reducido grado de desenvolvemento do solo. Os procesos de erosión eólica son importantes factores na formación das paisaxes desérticas.
[editar] A adaptación á aridez
Os animais e plantas que habitan no deserto presentan adaptacións que fan posible a súa existencia nun medio tán árido (quente e seco):
- Os vexetais teñen follas pequenas e cubertas de cera para non perder humidade
- Os camelos poden perder auga ata reducir un 40% o seu peso corporal.
- Os invertebrados (escorpións, escaravellos,...) teñen unha cuberta que non deixa que se perda humidade.
- Os réptiles están cubertos de escamas (serpes, lagartas)
- Algúns réptiles presentan fosas nasais que reteñen o vapor da auga da respiración.
[editar] Demografía
En demografía considérase deserto a toda rexión poboada por menos de 5 habitantes por km².
