Bioquímica
Na Galipedia, a wikipedia en galego.
A Bioquímica é o estudo químico dos seres vivos, especialmente da estrutura e función dos seus compoñentes químicos específicos, como son as proteínas, carbohidratos, lípidos e ácidos nucleicos, ademais doutras pequenas moléculas presentes nas células.
[editar] A Investigación en Bioquímica
O comezo da bioquímica pode moi ben ser o descubrimento da primeira enzima, a diastasa, en 1833 por Anselme Payen. En 1828, Friedrich Wöhler publicou un artigo achega da síntese de urea, probando que os compostos orgánicos poden ser creados artificialmente, en contraste coa crenza, comúnmente aceptada durante moito tempo; de que a xeración destes compostos era posible só no interior dos seres vivos. Desde entón, a bioquímica avanzou, especialmente desde a metade do século XX co desenvolvemento de novas técnicas como a cromatografía, a difracción de raios X, marcaxe por isótopos, e o microscopio electrónico. Estas técnicas abriron o camiño para a análise detallada e o descubrimento de moitas moléculas e rutas metabólicas das células, como a glicólisis e o ciclo de Krebs. Hoxe en día os avances da bioquímica son usados en centos de áreas, desde a xenética ata a bioloxía molecular, da agricultura á medicina. Probablemente unha das primeiras aplicacións da bioquímica foi a produción de pan usando levaduras, hai 5000 anos. O alicerce fundamental da investigación bioquímica céntrase nas propiedades das proteínas, moitas das cales son enzimas. Por razóns históricas a bioquímica do metabolismo da célula foi intensamente investigado, importantes liñas de investigación actuais inclúen o código xenético (ADN, ARN, síntese de proteínas, dinámica da membrana celular e ciclos enerxéticos).
[editar] Categorías
A bioquímica está conformada pola química de substancias, que poden ser catalogadas fundamentalmente nestes epígrafes:
- Carbohidratos
- Lípidos
- Proteínas e Aminoácidos
- Ácidos nucleicos
Divídese en varias ramas tales como:
- Bioquímica Celular
- Xenética
- Laboratorio Clínico
- Inmunoloxía
- Farmacoloxía
[editar] Véxase tamén
- Bioloxía molecular
- Bioloxía
- Xenoma humano