Afasia

Na Galipedia, a wikipedia en galego.

A afasia é un deterioro da linguaxe despois de ter sido adquirida de xeito normal e sen déficit intelectual correlativo. As causas principais son:

• tumores
• enfermidades infecciosas (como a meninxite);
• enfermidades dexenerativas (como a esclerose múltiple);
• accidentes con traumatismo craneal;
• tensión metabólica (intoxicacións);

A dificultade da linguaxe máis común dos afásicos é a incapacidade para falar correctamente por problemas de decodificación, memoria e de sintaxe. Debido a que os afásicos frústranse con facilidade, é destacabel o papel da relaxación, o xogo, a pantomima e das actividades interesantes para o suxeito, xunto co adestrameno auditivo intenso.

[editar] Tipos

Afasia de Broca ou afasia motora

por lesión na área de Broca. Vese afectada principalmente a emisión verbal, que fica moitas veces reducida a unha palabra ou algunhas expresións estereotipadas. A linguaxe espontánea é sempre pobre e asume un estilo "telegráfico": substantivos ou formas nominais do verbo (o chamado agramatismo). A perturbación afecta á realización das sílabas fónicas, sen realmente afectar o sistema fonolóxico. Pertúrbase tamén a escrita (agrafía). Non se ven afectadas, porén, a recepción dos signos verbais, a comprensión ou a lectura.

Afasia de Wernicke ou afasia sensorial

por lesións na área de Wernicke (rexión temporal). A fala é fluída, mais resulta difícil de comprender debido a que se deforman as palabras (parafasia literaria), substitúense os termos esperados por outros (parafasia verbal) e prodúcense iteracións (perseveración). O mesmo acontece na escrita (paragrafía) e na lectura en voz alta (paralexia). Vense afectadas a comprensión oral e escrita. Distínguense tres tipos de afasias sensoriais, posibelmente relacionadas con áreas distintas da zona de Wernicke:

unha con sordeira verbal,

outra con incomprensión verbal,

outra dominada pola desorganización da atención.

Afasia de condución

por lesións do fascículo arqueado (xunción paríeto-temporal posterior). Consiste nunha perturbación da prepetición das palabras e frases e por unha linguaxe espontánea, perturbada por "engavetamentos" (telescopages en francés) de paslabras e por autocorreccións. O mesmo que na afasia de Broca, a comprensión non se ve afectada.

Afasia global transitoria

cando se interrompe temporalmente o rego sanguíneo na arteria cerebral media.