Sience
De Vichipedie, la enciclopedie libare dute in marilenghe.
La sience (dal latin scientia) e je dal pont di viste etimologjic un insieme di cognossincis. Purpûr, soredut daspò de rivoluzion copernicane, cun cheste peraule si riferìn a la ativitât di discuvierte di cognossincis. Dal XIX secul in ca, la sience e je simpri plui stade leade al metodi sientific, ven a stâi a un procès di discuvierte rigorôs e riprodusibil in diviersis condizions, separant cussì lis siencis esatis e sperimentâls de filosofie, che fin a chê volte influençave un grum la idee di sience.
Il concet di sience al pues jessi dividût intun doi grancj grups:
- lis siencis puris (che a pontin al svilup di teoriis) e lis siencis aplicadis (che a pontin a aplicazions pratichis, pe vite di ogni dì)
- lis siencis naturâls (il studi dal nestri ambient) e lis siencis sociâls (il studi dal compuartament dal om e de societât umane)
Indis |
[cambie] Filosofie de sience
Lis implicazions derivadis da lis discuviertis sientifichis a son un argoment une vore dibatût inte filosofie, in particolâr i efiets intal cjamp de etiche. Il toc di filosofie specializât in chescj temis al è la filosofie de sience.
[cambie] Matematiche
Inte grande maiorance dai câs, la matematiche al è il lengaç unificant pes siencis, soredut inte descrizion dai modei, ma ancje inte fase dai esperiments e de verifiche dai risultâts.
[cambie] Metodi sientific
Articul principâl: Metodi sientific Il metodi sientific al è un mût par cjatâ spiegazions di events riprodusibii. Doprât pe prime volte di Galileo Galilei, al è basât su la ricorsion e la iterazion di chescj pas:
- Caraterizazion (misure, osservazion)
- Ipotesi (si propon une spiegazion provisorie)
- Predizion (deduzion logjiche de ipotesi)
- Verifiche (cun esperiments)
[cambie] Cjale ancje
- Storie de sience
