Claude Levi-Strauss
Wikipedia(e)tik
Claude Levi-Strauss (Brusela, 1908ko azaroaren 28a) antropologo frantziarra da.
[aldatu] Biografia
Parisen egin zuen bigarren hezkuntza eta han, legeak eta filosofia hasi zen ikasten Sorbonako unibertsitatean baina ondoren filosofian kontzentratu zen soilik. 1948an Filosofiako Doktoretza lortu zuen.
Mont-de-Marsan eta Laon-go ikastetxeetan filosofia irakatsi ondoren, Frantziako misio unibertsitarioren kide izendatu zuten Brasilen eta hara abiatu zen irakasle bezala Sao Pauloko unibertsitatera 1935. urtetik 1938. urtera arte. Sao Paulon, indigenen elkartei buruzko lanak egin zituen Mato Grosson eta Amazonian.
Frantziara bueltatu zenean, II. Mundu Gerra hastear zegoenean, soldadutzara deitu zuten, baina armistizioaren ondoren, Estatu Batuetara alde egin behar izan zuen judua zelako. Bertan, New Yorkeko New School for Social Research-en irakatsi zuen. Geroxeago, Henri Focillon, Jaques Maritain, J. Perrin eta beste batzuekin batera New Yorkeko L'École Libre des Hautes études sortu zuten eta erakunde honetako zuzendari nagusia izendatu zuten.
1944an, Frantziako kanpo-arazoetarako ministroak deitu zion eta Frantzian geratu zen, baina 1945. urtean Estatu Batuetara itzuli zen. 1946tik 1947ra arte Frantziako Enbaxadan lan egin zuen Washingtonen kulturako albokoa bezala. Gero, Parisera itzuli zen eta tesia eta tesina aurkeztu ondoren doktoregoa lortu zuen. New Yorken igaro zituen urteak, hezitzeko balio izan zioten, Jakobson ezagutu baitzuen eta Jakobsonek bere teoriak azaltzen lagundu zion eta. Gainera, Franz Boas eta beste antropologoen adiskidea zenez, Estatu Batuetako antropologian sarrarazi zuten.
1940. urtean, Musée de l’Homme-ko zuzendari ordea izendatu zuten eta ondoren L'École Pratique des Hautes Études-ko zuzendaria. Collège de France-ko gizarte-antropologiako irakaslea izendatu zuten 1959. urtetik bere erretiratzera arte, 1982. urtean. Baita ere, L'Académie française-ko kide izendatu zuten, 1973ko Maiatzak 24an, Henry de Montherlanten ordez.
Estatu Batuetako Zientzi Nazio-Akademiaren kide atzerritarra da, Estatu Batuetako Arte eta Letra-akademiaren kide, Herbehereetako akademia errealaren kide, Norvegiako Letren eta Zientzi-akademiaren kide eta Britania Handiko akademiaren kide da. Brusela, Oxford, Chicago, Stirling, Upsal, Montreal, Mexiko, Kongo, Visva Bhrati (India) eta Yale, Harvard, Johns Hopkins eta Columbiako unibertsitateetan doktore honoris kausa da.
1966. urtean, urrezko domina eta Viking Fund saria jaso zuen, nazioarteko etnologoen botoei esker. Beste hainbat sari ere jaso ditu, C.N.R.S-ko urrezko domina (1967), Erasmus saria (1973), Nonimo fundazioaren saria (1986), Aby M. Warburg saria eta ohorezko legioa (1996).
[aldatu] Lanak
- La vie familiale et sociale des indiens Nambikwara (1948)
- Les structures élémentaires de la parenté (1949)
- Races et histoire (1952)
- Tristes tropiques (1955)
- Anthropologie structurale (1958)
- Le totémisme aujourd'hui (1962)
- La pensée sauvage (1962)
- Les mythologiques: Le cru et le cuit (1964)
- Les mythologiques: Du miel aux cendres (1967)
- Les mythologiques: L'origine des manières de table (1968)
- Les mythologiques: L'homme nu (1971)
- Anthropologie structurale deux (1973)
- La voie des masques (1975)
- Le regard éloigné (1983)
- La potière jalouse (1985)
- De près et de loin (1988)
- Histoire de lynx (1991)
- Regarder, écouter, lire (1993)
- Saudades du Brasil (1994)
[aldatu] Kanpo loturak
- Linguistic and Commodity Exchanges by Elmer G. Wiens. Examines the structural differences between barter and monetary commodity exchanges and oral and written linguistic exchanges.
