Alfredo Stroessner

Wikipedia(e)tik

Alfredo Stroessner Matiauda (Encarnacion, Paraguai, 1912ko azaroaren 3– Brasilia, Brasil, 2006ko abuztuaren 16) Paraguaiko militarra eta politikaria izan zen.

Guaraniek populatutako eskualdean jaio zen, huraxe jatorri hartakoa izanda.

17 urterekin ejerzitoan sartu zen eta 1932an Chacoko gerran borrokatu zuen Boliviaren aurka.

1954ko abuztuaren 15ean estatu kolpea emanda boterera iritsi zen bere herrialdean, 1989 arte luzatuz bere agintaldia. Bere alderdi politikoa Asociación Nacional Republicana/Partido Colorado izenekoa da, komunismoaren antagonikoa. Eliza katolikoarekin ere harremanak ez omen zituen onak.

"Condor Operazioa" deitutako prozesu errepresiboan parte hartu zuen, Augusto Pinochet (Txile) eta Jorge Rafael Videla (Argentina) beste diktadoreekin batera.

Askoren ustez, Stroessnerena Hego Amerikako eta Mundu osoko diktadurarik odoltsuenetarikoa izan zen. 3.000 pertsonaren hilketen arduraduna izan zen.

34 urte ilun horien ondoren, Andrés Rodríguez jeneralak agintalditik bota zuen 1989ko otsailaren 3an, beste estatu kolpe bat emanda. Urte hartan bertan bere omenez "Puerto Presidente Stroessner" hiriak gaur egungo Ciudad del Este izena hartu zuen.

Stroessner erbesteraturik bizi izan zen hil arte, Brasilen.