Melosa Venuso

El Vikipedio

la Melosa Venuso de antaŭe

la skulptaĵo de dorse

La Melosa Venuso estas fama greka statuo. Ĝi prezentas Afroditon, la helena diino de beleco kaj amo. Ŝia romia nomo estas Venuso. Ĝi estas marmora skulptaĵo, 2,3 m laŭalte. La skulptaĵo datiĝas de ĉirkaŭ 130 a.K., kaj oni supozas, ke ĝi estis verkita de Aleksandro de Antioĥo.

Dum 1820 la skulptaĵo estis trovita sur la egea insulo Meloso de kamparano, kies nomo estis Jorgos. Li kaŝis ĝin al la aŭtoritatuloj, sed la statuon poste malkovris turkaj funkciuloj, kiuj kaptis la skulptaĵon.

la malkovrejo de la skulptaĵo sur la greka insulo Meloso

Franca mararmea oficiro, Jules Dumont d'Urville, rekonis ĝian signifon kaj aranĝis, ke la statuo estu aĉetita de la Markizo de Rivière, la franca ambasadoro en Turkio. Post riparado la statuo estis prezentita al Ludoviko la 18-a, kiu vice prezentis ĝin al la Luvro en Parizo, kie ĝi nun staras.

La Vikimedia Komunejo havas dosierojn rilatajn al

Melosa Venuso sub la gloso Venus de Milo

[redaktu] Eksteraj ligiloj

  http://www.insecula.com/oeuvre/O0010905.html

  http://www.smithsonianmag.si.edu/smithsonian/issues03/oct03/presence.html

  http://www.geocities.com/simpsonshq2000/Pictures/Artifacts/gummi.JPG

  http://www.ajaonline.org/pdfs/109.2/AJA1092_Kousser.pdf

Ĉi tie estas aldonaj bildoj por la artikolo. Vi povas helpi al Vikipedio se vi elektos la taŭgajn bildojn kaj metos ilin en la artikolon.