Malgranda aŭko
El Vikipedio
| ?Malgranda aŭko Konserva statuso: Malplej zorgiga |
||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Biologia klasado | ||||||||||||||
|
||||||||||||||
|
|
||||||||||||||
| Alle alle (Linnaeus, 1758) |
Malgranda aŭko (Alle alle) estas malgranda birdo de la familio Aŭkedoj.
Ĝi bredas sur insuloj kiuj situas arkte. Ekzistas du subspecioj de tia aŭko: A. a. alle, kiu bredas en Groenlando, Islando, Nova Zemlo kaj Spitsbergen, kaj A. a. polaris kiu bredas en Franz Jozef Land.
La bredado okazas sur flankoj de apudmaraj montoj, kie estas egaj aŭkaroj. Ĝi nestas en fendeto aŭ sub granda roko. Kutime ĝi nur ovumas unu ovon. Vintre ĝi flugas suden al nordaj lokoj de la norda Atlantiko. Aŭtunaj stormoj kelkfoje devigas al ĝi flugi pli suden ol kutime aŭ al la Norda Maro.
Ĝi estas la ununura atlantika aŭko kun tia grandeco: duona de la grandeco de la Atlantika fraterkulo. Plenkreska birdo havas nigrajn kapon, kolon, dorson kaj flugilojn, kiu tamen estas blanka subflanke. La beko estas mallonga kaj forta. Ĝi havas malgrandan rondan voston. Vintre la suba kapo kaj la antaŭa beko blankiĝas.
Ĝi flugas senpere per rapidaj flugetoj pro siaj mallongaj flugiloj. Kiel aliaj aŭkoj ankaŭ malgranda aŭko serĉas nutraĵon naĝante subakve. Ĝi precipe manĝas fiŝojn, sed ankaŭ malakostrakojn kaj aliajn senvertebrulojn
Malgranda aŭko kvikas kaj gakas kiam ĝi troviĝas en bredada aro, sed ne mare.
 |
 |
