Kebeko (Kebekio)
El Vikipedio
Kebeko (franclingve kaj oficiale, Québec; anglalingve, komune Quebec City) estas la ĉefurbo de la provinco Kebekio en Kanado.
La loĝantaro de la urbo mem estas 169 076 (2001) kaj de la metropola regiono 710 700 (2004). Ĝi estas la dua plej granda urbo de Kebekio, post Montrealo. La urbestrino de Kebeko estas Andrée P. Boucher.
Kebeko estas la sola fortikigita urbo de Nordameriko norde de Meksikio kiu ankoraŭ posedas urbajn murojn. Ĝia malnova urbo estas Monda Kulturheredaĵo de UNESKO depost 1985.
[redaktu] Geografio
La urbo lokiĝas sur kaj ĉirkau Cap Diamant, granda rokaĵo je la flanko de la rivero Sankt-Laŭrenco, kies topografio instigis uzon por milita defendado. La malvasteco de la riverkolo inter Kebeko kaj Lévis je la alia flanko donis la nomon al la urbo kaj la provinco: kebek estas Algonkena vorto por "malvasta pasejo."
[redaktu] Lokoj
Vidon de Kebeko dominas la grandega hotelo Château Frontenac, sur Cap Diamant. La hotelo lokiĝas laŭ la Terrasse Dufferin, promenadejo sur la bordo de la klifo kiu ofertas belajn vidojn de la rivero Sankt-Laŭrenco.
Proksime al la Château Frontenac estas la Katedralo de Nia Damo de Kebeko, la seĝo de la arkiepiskopo de Kebeko, primaso de Kanado. Ĝi estas la unua katedralo kaj unua baziliko konstruita en Ameriko.
La Terrasse Dufferin iras ĝis la Ebenaĵoj de Abraham, loko de la batalo de la Ebenaĵoj de Abraham per kiu la britoj kaptis Kanadon de la francoj. Tie lokiĝas la Citadelo de Kebeko, instalaĵo de la Kanadaj Militfortoj kaj oficiala rezidejo de la Guberniestro ĝenerala de Kanado en Kebekio. La Nacia Asembleo de Kebekio renkontas en la apuda Parlamentejo.
La Alta Urbo kuniĝas per ŝtuparoj kaj funikularo al la Malalta Urbo, kie lokiĝas la tre aĝa kirko Notre-Dame-de-la-Victoire, la historia distrikto Petit Champlain, kaj la Muzeo de Civilizacio.
En la okcidento de la urbo lokiĝas la Universitato Laval; la administrejoj de la Universitato de Kebekio ankaŭ lokiĝas en Kebeko.
Kebeko famas por sia vintra karnavalo kaj por la festoj de Sankt-Johan-Baptista Tago.
Proksime de Kebeko lokiĝas la Akvofaloj Montmorency kaj la Baziliko Sankta Ana de Beaupré.
 |
 |
 |
 |
Ĉi tie estas aldonaj bildoj por la artikolo. Vi povas helpi al Vikipedio se vi elektos la taŭgajn bildojn kaj metos ilin en la artikolon. |
| Provincaj kaj teritoriaj ĉefurboj de Kanado |  |
| Viktorio, BC • Edmontono, AB • Reĝino, SK • Vinipego, MB • Toronto, ON • Kebeko, QC • Frederiktono, NB • Ĉarlotaŭno, PE • Halifakso, NS • Sankt-Johano, NL • Whitehorse, YT • Yellowknife, NT • Ikaluito, NU |
