George Herbert
El Vikipedio
George HERBERT (naskiĝis la 3-an de aprilo, 1593, mortis la 1-an de marto, 1633) estis angla poeto. Lia frato estis la filozofo Edward Herbert.
Li naskiĝis en Montgomery Castle (Kimrio), studis en Kembriĝo (Anglio) kaj restis en la universitato por instrui tie retorikon. En la jaro 1626 li tamen decidis dediĉi sin al ekleziaj celoj, kaj ekde 1630 li laboris kiel pastro en Bemerton apud Salisbury. En 1633 li mortis tie.
La verkaro de George Herbert konsistas ĉefe el religia liriko, kies plej granda parto aperis en la kolekto The Temple (1633). En la jaro 1652 eldoniĝis lia traktato A Priest to the Temple.
[redaktu] En Esperanto aperis
Disciplino <poemo> ; Redempto <poemo> ; La kolĉeno <poemo> ; Avaro <poemo> / George Herbert. - En: Angla antologio ; p. 111 - 114, vol. 1
