Eupen
El Vikipedio
| Mapo de la komunumoj en la provinco |
|---|
 |
| Bazaj informoj |
| Provinco: Lieĝio |
| geografia situo: 50°37'N; 6°02'E Mapo |
| areo: 103,74 km² |
| loĝantoj: 18.038 (2005-01-01) |
| loĝdenso: 174 loĝantoj/km² |
| horzono: GMT+1h (+2h de aprilo ĝis oktobro) |
| poŝtkodo: 4700 |
Eupen [OJpen] (france: Néau [neO]) estas municipo en la oriento de Belgio, en la provinco Lieĝio. Ĝi ricevis la honortitolon "urbo" en 1808. Eupen estas ĉefurbo de samnoma kantono. Ĝi situas ĉirkaŭ 15 km sude de Aachen. Ĝia alto super marnivelo estas inter 250 kaj 350 metroj, ĝi situas rande de montaro Altaj Marĉoj (Hohes Venn / Hautes Fagnes).
Ĉirkaŭ 90 % de la loĝantaro de Eupen estas germanlingva. Eupen estas de 1983 (federaciigo de Belgio) la administra centro de la germanlingva komunumo de Belgio, kiu konsistas el ĉ. 72.000 anoj kaj el jenaj komunumoj:
- Amel
- Büllingen
- Burg-Reuland
- Bütgenbach
- Eupen
- Kelmis
- Lontzen
- Raeren
- Sankt-Vith
[redaktu] Historio
Eupen dum 800 jaroj apartenis al la duklando Limburgo; ĝia unua dokumenta mencio estas el 1213. En 1674 ĝi ricevis urbajn privilegiojn. Post la Viena kongreso en 1815 oni atribuis ĝin kaj la urbon Malmedy al Prusio. Post la Unua mondmilito la Traktato de Versajlo atribuis ilin al Belgio. Dum la Dua mondmilito Germanio en 1940 aneksis la regionon. Post la germana malvenko en 1945 Belgio reprenis ĝin.
[redaktu] Eksteraj ligiloj
komunuma retejo- turismaj informoj (de/fr/nl)
