Mor
Diwar Wikipedia, an holloueziadur digor
Ar pennad-mañ n'eo ket peurechu c'hoazh ; ma fell deoc'h labourat warnañ deuit da welout ha lakait hoc'h ali e pajenn ar gaozeadenn.
Ur rakger implijet e brezhoneg eo mor- ivez.
Ul ledennad dour-sall bras-tre eo ar mor (reizh gourel, liester morioù). En ar ster hollelañ e c'holo ar mor an div-drederenn eus ar voul-douar, strewet ennañ ar c'hevandirioù. Ar morioù brasañ etre ar c'hevandirioù a vez anvet ar meurvorioù.
En douaroniezh e vez ivez roet ur ster strizh d'ul ledennad dour-sall bevennet tamm pe damm gant ar c'hevandirioù hag ez eus un nebeut morioù enklozet e kreiz ur c'hevandir (Mor Aral, Mor Kaspian, Mor Marv). Dre astenn e raer mor eus ul ledennad dour dous bras evit e dermeniñ evel brasoc'h eget al lennoù all : gwelet e vez evel ur mor diabarzh (Mor Galilea, lenn Jeneva, lenn Van, lenn Poyang, lenn Tai ha meur a lenn e Kanada hag er Stadoù-Unanet).
Koulskoude dre hevelebiezh ez eus morioù ha n'eus ket dour e-barzh, ar re a greder gwelet e planedennoù'zo. War al Loar ez eus bet badezet meur a vor (da skouer, Mor ar Sioulded, Mor ar Glaveier). Memestra evit ar planedenn Meurzh.
Implijet e vez mor evit mareoù ar mor e-unan : setu ur mor mat (ul lañv mat)
[kemmañ] Gerioù deveret
E penn gerioù a denn d'ar mor e kaver ar rakger mor. Skouerennoù : morgazh, morlenn, morlaer, morlu, morskoul, morvil.
E lost ar gerioù e c'heller kavout mor evel lostger ivez : bran-vor, donvor, izel-vor, leue-mor, tramor.
Ar verb morañ a vez implijet evit lakaat ur vag da verdeiñ war ar mor hag divorañ eo ar c'hontrol : mont war an douar goude bageal. Dont war wel goude bezañ bet goloet gant ar mor eo ur ster all da divorañ. Da vezañ kendalc'het