Inizi Maloù

Diwar Wikipedia, an holloueziadur digor

Falkland Islands


Banniel Inizi Maloù	Ardamezioù

Ger-stur Desire the right
(Brezhoneg: "C'hoantaat ar Reizh")

Yezhoù ofisiel

Saozneg

Kêr-benn

Stanley

Statud politikel

Trevadenn eus ar Gurunenn

Rouanez'

Rouanez Elizabeth II

Gouarner

Alan Huckle

Gorread
-En holl
-% dour

12,173 km²
dister

Poblañs
- 2005 war-dro
- Stankter ar boblañs

3,060
0.25/km²

Moneiz

Lur an Inizi Maloù (FKP)

Kan broadel

God Save the Queen
("Ra saveteo Doue ar Rouanez")

Devezh ar vro

Kod war ar Genrouedad

.fk

Kod pellgomz

500

Ar pennad-mañ n'eo ket peurechu c'hoazh ; ma fell deoc'h labourat warnañ deuit da welout ha lakait hoc'h ali e pajenn ar gaozeadenn.

Inizi Maloù (Falkland Island evit ar saoznegerien hag Islas Malvinas evit ar spagnolegerien) a zo un tiriad tramor Rouantelezh Unanet Breizh-Veur ha Norzhiwerzhon, dezhañ Tiriadoù tramor Inizi Falkland da anv ofisiel. Stanley eo ar gêr-benn. Dindan 12 000 km² strewet etre meur a enezenn bras ha bihan ez eus 3 000 annezad o chom pell a-walc'h eus daou gevandir : Suamerika 480 km er c'hornôg hag Antarktika e 900 km er Su.

[kemmañ] Istor

Spurmantet eo bet an inizi gant merdeerien Bro-Spagn e 1520 pa vez meneget inizi war ar c'hartennoù spagnat da-c'houde. Adkavet ez int bet un tamm anezho gant Sebald De Weert, ur merdeer izelvroat e 1600 a embannas e kouezhe an inizi e kerzh e vro. Merdeerien Sant-Maloù a zeuas goude hep staliañ ur c'hampadur stabil. E 1690, ar merdeer saoz John Strong ne c'hellas ket tizhout aodoù Arc'hantina hag tizoloas ar ganol-vor etre an daou enez pennañ. An anv roet d'ar ganol-vor, Falkland, e enor ar 5vet Kont Falkland, hemañ arc'hantaer ar veaj, a oe roet ivez d'an enezeg a-bezh gant ar Saozon.

E 1764 e teuas ar merdeer gall Louis-Antoine de Bougainville hag e stalias ur c'hampadur anvet Port-Louis en enez pennañ er Reter. E penn ar bloaz 1765 e tizoloas ar moraer saoz John Byron lodennoù an enez kornôg hep gouzout tra eus staliadur ar C'hallaoued hag e embannas kerzh ar Roue saoz George III war an inizi. E 1766 e teuas ar Spagnoled evit skarzhañ ar 115 trevadenner gall kuit. Sevel a reas ar gouarner ur chapel dediet da Itron Varia an Digenvez (Soledad), met ne chomas ket trevadennerien spagnat ebet goude 1811.
E 1816 e teuas da vezañ Arc'hantina un riez dizalc'h hag e embannas e 1820 e wirioù. Kas a reas trevadennerien e 1826, met distrujet e voe ar staliadur gant ar Stadoù-Unanet diwar abegoù o tennañ da chaseal ar reunigoù. O vezañ m'en doa kaset Arc'hantina ur gouarner all e tistroas ar Saozon e 1833 hag e kemerjont an enezeg ken e eo bet miret ganin nemet e-pad un prantad bihan.
E 1914 ez eus bet un emgann war vor etre morluioù saoz hag alaman.

E 1982 e tivizas an diktatourien vilourel Arc'hantina adkemeret an enezeg, met goude daou viz e voent trec'het gant ar morlu saoz. Sell ouzh Brezel an Inizi Maloù (1982).