Уласныя лікі, вэктары й прасторы
Зьвесткі зь Вікіпэдыі — вольнай энцыкляпэдыі.
У матэматыцы ўласным вэктарам (eigenvector) пераўтварэньня[1] ёсьць ненулявы вэктар, напрамак якога не зьмяняецца паводле пераўтварэньня. Каэфіцыент расьцягненьня вэктару ёсьць яго ўласным лікам (гл. прыклад на малюнку 1). Вельмі часта пераўтварэньне цалкам апісваецца яго ўласнымі лікамі й вэктарамі. Уласная простора ёсьць мноствам уласных вэктараў з аднолькавымі ўласнымі лікамі.
Упершыню ў гэтым сэнсе слова ўласны было выкарыстана нямецкім матэматыкам Гільбертам у 1904 годзе. Нямецкае слова "eigen" можна перакласьці як "уласны", "індывідуальны".
[рэдагаваць] Азначэньні
Пераўтварэньні прасторы (накшталт зруху, павароту, адлюстраваньня, расьцягненьня, сьцісканьня і іншых) могуць быць апісаныя тым, як яны ўзьдзейнічаюць на вэктары.
- Уласныя вэктары пераўтварэньняў ёсьць вэктарамі[2], якія пасьля пераўтварэньня не зьмяніліся ці модуль якіх памножыўся на каэфіцыент расьцягненьня.
- Уласны лік уласнага вэктару ёсьць яго каэфіцыентам расьцягненьня.
- Уласная прастора ёсьць прастора, якая складаецца з усіх уласных вэктараў з аднолькавымі ўласнымі лікамі разам з нуль-вэктарам, які сам ня ёсьць уласным вэктарам.
[рэдагаваць] Раўнаньне ўласнага ліку
Вэктар ёсьць уласным вэктарам, а λ – уласным лікам пераўтварэньня T калі праўдзівае раўнаньне:
- ,
дзе – вэктар, які ёсьць рэзультатам пераўтварэньня T над вэктарам .
Няхай T ёсьць лінейным пераўтварэньнем (а, значыць, раўнаньне праўдзівае для любых скаляраў a, b ды вэктараў і ). Вылучым базіс у гэтай вэктарнай прасторы. Тады T і могуць быць запісаныя адносна базіса ў выглядзе матрыцы AT і вэртыкальнага вэктара . Раўнаньне ўласнага ліку можа быць запісаным наступным чынам:
[рэдагаваць] Заўвагі
- ↑ У дадзеным выпадку разглядаюцца толькі лінейныя пераўтварэньні з вэктарнае прасторы ў гэтую ж самую вэктарную прастору.
- ↑ З прычыны таго, што ўсе лінейныя пераўтварэньні пакідаюць нуль-вэктар нязьменным, ён ня лічыцца ўласным вэктарам.
Гэта — накід артыкула. Вы можаце дапамагчы Вікіпэдыі, напісаўшы яго, для гэтага націсьніце спасылку «Рэдагаваць». |