Suahili
De Uiquipedia
El suahili, tamién conocíu como suahelí o swahili (kiswahili nel propiu idioma) ye una llingua aglutinante que pertenez al grupu bantú. El suahili ye faláu por alredor de 40 millones de persones de la fastera sur-oriental del continente africanu. Ye llingua oficial en Keña, llingua nacional en Tanzania y República Democrática del Congo, y úsase como llingua vehicular n'Uganda, Ruanda, Burundi, Mozambique, Malawi, Zambia y les islles Comores.
El suahili tien una tradición escrita que remonta al sieglu XIII. Nun principiu escribíase col alfabetu árabe pero, dende los caberos años del sieglu XIX, úsase l'alfabetu llatinu. La primer obra lliteraria conocida en suahili ye un poema épicu del sieglu XVIII tituláu Utendi wa Tambuka ("Historia de Tambuka").
