Neutrón
De Uiquipedia
El neutrón ye una partícula subatómica ensin carga llétrica y de masa asemeyada a la del protón. El neutrón clasifícase como un barión, y ta compuestu por tres quarks (1 up y 2 down, udd).
El neutrón, xunto col protón, forma parte de los núcleos de los más de los átomos, sacante l'isótopu más común del hidróxenu (H), que ta formáu namái por un únicu protón.
Fuera del nucleu, los neutrones son inestables, y tienen una vida media d'aprosimadamente quince minutos (τn = 886,7±1,9 s), emitiendo un electrón y un antineutrinu pa convertise nun protón.
Los neutrones tán sometíos a les fuercies feble, fuerte y gravitatoria. La fuercia electromagética unifícase parcialmente cola débil a altes enerxíes; o dicho d'otra manera, a distancies menores que'l diámetru d'un protón, les dos fuercies son namái dos aspeutos d'una fuercia, la fuercia electrodébil. D'esta manera'l neutrón, magar que la suma de les cargues llétriques de los sos componentes (los quarks) ye nula, ta tamién sometíu a la interacción electromagnética.
