Arte
De Biquipedia
O termín arte prozede d'o termín latín ars. En l'Antigüidá se consideró l'arte como a perizia y maña en a produzión de cualcosa. En a Mudernidá, en cambeo, empezipia a distinguir-se entre artesanía y artes polidas y entre artesán y artista. Asinas, l'artesán prautica as artes utiles, s'adedica a fer oxetos que tienen una clara utilidá. O artista s'adedica a las artes polidas y os suyos oxetos u prauticas tienen un caráuter ornamental, esprisibo u de reflesión denzima d'a reyalidá sozial. En atras culturas ista distinzión no esiste.
Contenius |
[Editar] Os oxetos artisticos
As carauteristicas que definen a los oxetos artisticos son :
- No son cosas utiles, en o sentiu de ser feitas con un fin puramén pragmatico. Anque muitos tienen una utilidá, no ye a suya motibazión prioritaria.
- Son oxetos orixinals y unicos. Asinas, una copia d'un cuadro por mui bien feita que siga no serba una obra d'arte.
[Editar] Tiorías sobre l'arte
Son tres as prenzipals tiorías sobre l'arte :
- Formalismo: L'arte consiste en a combinazión de colors, ringlas y plans, ezetra. Istas obras cheneralmén no cumplen un fin.
- Esprisionismo: L'arte representa en as suyas obras as emozions y sentimientos d'o autor. L'artista trata de representar una esperenzia emozional a trabiés d'aparatazions y distorsións con o fin de intensificar-las. Un meyo de esprisionismo ye a mosica.
- Simbolismo: Tioría que se zentra en a senificazión d'a obra. As siñals esteticas se carauterizan por no estar referenzials, ye dizir, no bi ha combenzionalidá entre a siñal y l'oxeto. Atra carauteristica ye que son iconos, ye dizir, bi ha semellanzas entre as propiedaz de l'oxeto. Espresan abalues que contienen a siñal mesma. Os pintors simbolistas emplegan colors bibos, ringlas gordas, y s'inspiran en temas literarios y relixiosos.
[Editar] L'arte ta representar a reyalidá
- L'arte puede serbir ta representar a reyalidá u ta ofrir un conoximiento d'a reyalidá diferén d'o que pueden ofrir-nos atras disziplinas como as zenzias.
- L'arte representatibo u feguratibo sirbe ta representar flecas d'a reyalidá. Muitos filosofos y artistas han caducato que a funzión alazetal de l'arte ye a de remedar a la naturaleza .
- L'arte serba una representazión d'a reyalidá umana y serbirba en muitos casos ta fer-nos conoxer reyalidás que no conoxe-mos. Isto resulta mui polemico, abendo dos tiorías concaradas:
- O aislacionismo: apreziar l'obra d'arte en sí mesmo y solada d'atros fautors.
- O contextualismo: empara que l'obra d'arte bi ha que considerar-la en o suyo contesto, en a bastida en a que se da.
[Editar] Arte ta cambear a soziedá
L'arte se da perén en un contesto istorico y sozial determinato. Distintas tiorías:
- L'arte por l'arte: L'arte tien o suyo sentiu y finalidá en sí mesma. Seguntes ista tioría o artista ye belún adotato d'unas estraordinarias cualidás creyatibas y a suya prenzipal obligazión ye perfeuzionar a suya obra. Ista tioría estió esfendida por bels romanticos alemans d'o sieglo XIX.
- L'arte como fuerza sozial : Ye concarada con l'anterior, l'artista tien una gran responsabilidá sozial, y ha de i ser "embrecato" con o suyo tiempo. Ista tioría estió esfendida por os sozialistas franzeses d'o sieglo XIX y luego se estendió a atros países.
[Editar] Arte como amostranza moral
A conzeuzión moralista s'alazeta en o que l'arte ha de ser a lo serbizio d'a moralidá, y se'n arriba a considerar encluso de que debe estar refusato tot arte que no prometa abalues morals que se consideren adempribiables. O moralismo en l'arte se remunta a Platón(sieglo IV adC), ta o que as tres ideyas alazetals a las que debe aspirar o ser umán son a de Polideza,Bondá y Chustizia, abendo entre eras una intima relazión.
En l'autualidá sigue biba la polemica sobre os efeutos morals de l'arte y sobre a lexitimidá u no de zensurar l'arte por criterios morals y no esteticos.
[Editar] As artes polidas
Charles Batteaux (1474) estió lo imbentor d'o termín "artes polidas", que aplicó orixinalmén a danza, estretalla, mosica, pintura y poesía, adibiendo dimpués arquiteutura y esplicatiba. Más tardi, a lista penarba cambeos seguntes os distintos autors, que adibirban u quitarban artes.
Ricciotto Canudo, o primer tiorico d'o zine, estió lo primer en calificar a o zine como lo sieteno arte en 1911.
Autualmén, se considera a siguién lista:
- As seis primeras son arquiteutura, danza, estretalla, mosica, pintura y poesía (literatura).
- O sieteno ye a zinematografía.
- A güeitena ye a fotografía, anque s'estrapacia que ye una amplaria d'a pintura.
- A nobena ye a falordia, anque s'estrapacia que ye un puen entre a pintura y o zine.
Bels consideran atras artes en a lista, como a telebisión, a publizidá u os [[ [bidiochuegos]]].
[Editar] Disziplinas artisticas
- Arquiteutura
- Arquiteutura zebil
- Arquiteutura melitar
- Arquiteutura nabal
- Arquiteutura relixiosa
- Artesanía:
- Alfarería
- Payelería
- Cristalería
- Glíptica
- Ebanistería
- Marquetería u Tarazea
- Mosaico
- Orfebrería
- Tapizería
- Reyalización de bidrieras
- Artes graficas:
- Caligrafía
- Grabau
- Umor grafico
- Tipografía
- Diseño de pachina web
- Ilustrazión
- Percutida
- Zinematografía
- Zine d'animazión
- Danza
- Estretalla
- Fotografía
- Falordia
- Literatura
- Mosica:
- Mosica clssica
- Mosica lixera
- Mosica tradizional
- Pintura
- Debuxo
- Tiatro
- Net.art u Arte.rete
Epocas
- Arte preistorico (Preistoria)
- Arte mesopotamico (IV milenio a.C)
- Arte griego (Estilo artistico desembolicato por a cultura griega)
- Arte zelta (Alto u baxo sieglo IX antis de Cristo)
- Arte román (Dende ro sieglo III a.C. a lo sieglo V d. C.)
- Arte iberico(Sieglos VI-IV antis de Cristo)
- Arte paleocristián(Sieglos I a V)
- Arte bizantino (Sieglo VI)
- Arte astur
- Arte romanico (Europa, sieglos XI, XII y parti d'o XIII)
- Arte gotico ( Dende o sieglo XIII dica a Renaxedura)
- Arte d'a Renaxedura (Dende o sieglo XV dica o sieglo XVI)
- Arte barroco (Dende o sieglo XVII y as primeras decadas d'o sieglo XVIII)
- Arte d'o Sieglo XX
- Arte d'o Sieglo XXI
Estilos artisticos
- Arte pop
- Arte abstrauto
- Arte interactivo
- De Stijl
- Esprisionismo
- Surrealismo
- Impresionismo
Arte rechional
- Arte africán (Manifestazions artisticas produzidas por os pueblos d l'África subsahariana)
- Arte chin
- Arte musulmán (Estilo artistico desembolicato en a cultura chenerada por a relixión islamica)
[Editar] Beiga tamién
- Artes Polidas
- Artes Marzials.
- Ambista
- Land Art: Arte d'a tierra y naturaleza
