Poere di cwin
Èn årtike di Wikipedia.
Li poere di cwin, c' est on frut ki rshonne a ene poere, mins elle est pus deure, ele a des coisses et ene poyowe pea. On nel pout magnî k' estant cûte.
Li poere di cwin vént so on poerî d' cwin a pårti di belès blankès fleurs.
Les poeres di cwin polèt dmorer so l' åbe disk' ås prumirès djalêyes. On voet k' il a bén relé cwand leus pwels dimorèt dins les mwins.
Li poere di cwin n' est nén del minme indje kel poere.
No e sincieus latén Cydonia spp. Famile : rôzacêyes.
[candjî] Ricetes des poeres di cwin
[candjî] cûtes avou do souke.
Les poeres di cwin si magnèt cûtes avou do souke.
[candjî] e djelêye
Prinde des belès djaenès poeres d' cwin, haetchî li cawe et l' moxhe evoye; elzès schover avou ene deure broexhe po rsaetchî li pluche k' i gn a sol pelake, pu les rispåmer comifåt.
Kitaeyî les fruts tot leyant l' crakion. Mete dins ene bassene et covri d' aiwe.
Fé cure a feu nén trop foirt.
Cwand les frûts sont bén cûts, sigoter et rprinde li djus.
Mete on kilo d' souke po on lite di djus; cure a roed feu 15 munutes å long. Vey si c' est deur assez et mete dins des verenes.
On pout fé parey avou mitan poeres di cwin, mitan pemes.
