Djibraltar
Èn årtike di Wikipedia.
Djibraltar, c' est ene iye, 6 km² longue et lådje, metowe al Nonne di l' Espagne, tot près des teres, k' a dné s' no å Stroet d' Djibraltar.
[candjî] Istwere
C' est la ki Tariq Ibn Ziyyad a metou pî e l' Urope, divant d' abroker so Spagne. Did la si no: Djebel Tariq (جبل طارق, en arabe: li montinne da Tarik). E 1704, a stî prinjhe pa ene flote inglesse, aloyîs ås Olandès. L' iye fourit dislaxheye oficirmint di l' Espagne på Cossina d' Utrek e 1713, et dispu don dizo l' goviernance di l' Inglutere.
[candjî] Li margaye inte l' Espagne et li Rweyåme Uni so Djibraltar
Dierinne codowe: e moes d' awousse 2004, on-z a fwait des grandès fiesses so l' iye po les 300 ans di dominåcion inglesse. Ci n' est nén foirt comifåt, derit i li prumî minisse espagnol. E l' Urope di 2004, rimetowe eshonne, on payis ni divreut nén fiesti si ocupåcion d' ene coine d' èn ôte payis.
[candjî] Biesses
- Li mårticot d' Djibraltar, li seu séndje ki vike e l' Urope. On l' etertént bén, dispu ki Winston Churchill a rclamé ki, tant k' i gn åreut des mårticots so les rotches di Djibraltar, l' iye dimorreut dås Inglès.
