Ilocos Norte
Mula sa Tagalog Wikipedia, ang malayang ensiklopedya.
Sensus ng 2000—514,241 (ika-48 pinakamalaki)
Densidad—151 bawat km² (ika-27 pinakamababa)
Ang Ilocos Norte ay isang lalawigan ng Pilipinas na matatagpuan sa rehiyon ng Ilocos sa Luzon. Ang kabisera nito ay ang Laoag City. Matatagpuan ito sa hilagang-kanlurang bahagi ng pulo ng Luzon at ang hangganan nito sa silangan ay ang mga lalawigan ng Cagayan at Apayao, at sa timog ay ang mga lalawigan ng Abra at Ilocos Sur. Nakaharap ang Ilocos Norte sa Dagat Luzón sa kanluran at Luzon Strait sa hilaga.
Mga nilalaman |
[baguhin] Dibisyon
[baguhin] Lungsod
- Laoag City
[baguhin] Bayan
- Adams
- Bacarra
- Badoc
- Bangui
- Banna (Espiritu)
- Batac
- Burgos
- Carasi
- Currimao
- Dingras
- Dumalneg
- Marcos
- Nueva Era
- Pagudpud
- Paoay
- Pasuquin
- Piddig
- Pinili
- San Nicolas
- Sarrat
- Solsona
- Vintar
[baguhin] Kasaysayan
Noong unang panahon, bago pa dumating ang mga Español sa Pilipinas, ang mga mamamayan ng Ilocos ay nakikipagkalakalan sa mga mangangalakal ng Tsina at Hapon. Nang dumating ang mga Español sa pangunguna ni Juan de Salcedo noong 1752 sa Ilocos, inumpisahan na ang pagsakop nila sa Pilipinas. Naumpisahan din ang pagkalat ng Kristiyanismo sa Ilocos; at ang mga simbahan na itinayo pa noong labing-anim na siglo ay, hanggang ngayon, nakatayo pa rin. Dati, ang probinsya ng Ilocos Sur at Ilocos Norte ay iisa lamang, sa ilalim ng Español. Nagdusa ang Ilocos sa maraming pagkamatay ng mga mamamayan nito, at naghimagsik sila sa dami ng namatay. Noong 1788, muling naghimagsik ang mga Ilocano dahil sa imposisyon ng tobacco monopoly. At noong 1807, ang Ilocos ang naging sentro ng Basi (katutubong alak na gawa sa asukal) Revolt. Noong 1814, isa pa na namang himagsik ang nag-umpisa na ang layunin ang pagkapantay-pantay ng mga Pilipino at Español. Dahil dito, ang Alcade Mayor o ang gobernador ay humiling ng isa pang probinsya sa hilaga. Dito nahati sa dalawa ang Ilocos – Ilocos Sur at Ilocos Norte noong 1818.
