Timişoara

From Wikipedia

Mappa dâ Rumania ccu Timişoara (u puntu russu)

Timişoara (n tudiscu Temeswar o Temeschburg, n ungarisi Temesvár, n serbu Temišvar e n turcu Tamışvar) è na citati dû punenti dâ Rumania, ntâ pruvincia di Timiş e ntâ riggiuni di Banat, ccu na pupulazzioni di 355.977 abbitanti ntô 2004 (317.953 abbitanti ntô 2002). Tutti li varianti dû sô nomu vinnunu dû ciumi "Timişul", macari canusciutu ccû nomu di Bega doppu ca fu canalizzatu. Na citati ndustriali ccu servizzi estinsivi, fu la prima citati europea illuminata ccu l'elittricitati. Timişoara è na citati multiculturali cchî sô principali cumunitati (tudischi, ungarisi, serbi, taliani, palistinisi e grechi). Ccà nascìu Johnny Weissmuller (un campiuni olìmpicu di nuotu, cchiù nnuminatu ppi aviri fattu Tarzan). Timişoara fu macari visitata di Gustave Eiffel, lu criaturi dâ Turri Eiffel a Pariggi; cunstruìu un ponti supra u ciumi Bega.

[cancia] Sturia

Ntô 1019 Timişoara (cchî vari nomi di Dibiscos, Bisiskos, Tibiskos, Tibiskon, Timbisko, ecc...) è minziunata ppâ prima vota ntê ducumenti scriuti dû mpiraturi bizzantinu Basiliu II (ma tutti li sturici nun s'accurdanu ccu chista idintificazzioni).

Lu 16 di dicèmmiru 1989 na rivolta pupulari s'accuminzàu a Timişoara contru lu riggimi cumunista di Nicolae Ceauşescu. Un òrdini di dipurtazzioni dû pasturi calvinista ungarisi László Tökés fu datu â pulizzìa sigreta (a Securitate) e a riazzioni dî membri dâ sô cresia fu di circunnari a sô casa, mentri àutri pirsuni jeru ntâ Chiazza di l'Òpira, la chiazza cintrali dâ citati. Lu putiri cumannau di gràpiri lu focu suprâ genti. Arcuni surdati di l'esèrcitu rifiutaru di gràpiri lu focu e jeru ccâ genti. Fu lu principiu dâ fini ppû vecchiu riggimi ca finìu l'àutra simana. Lu 20 di dicèmmiru 1989, Timişoara è dichiarata prima citati libbira. 1.104 pirsuni murìru e 3.352 foru firiti.