Astronomia

From Wikipedia

Natural sienties → {{{2}}} → {{{3}}} → {{{4}}} → {{{5}}} → {{{6}}} → {{{7}}} → {{{8}}} → {{{9}}} → {{{10}}} → Astronomia

Wiktionarie traduktiones del title dislok

Giganti Hubble mosaike del Krabe Nebula.

Astronomia (grekim: αστρονομία = άστρον + νόμος, astronomia = astron + nomos, literalim, "lege del astres") es li sientie de sielal objektes (exemplim astres, planetes, kometes, e galaxies) e fenomenes kel origina exter li atmosfere del Tere (exemplim, aurores e kosmal ambienti radiatione). Lu konserna li evolutione, fisike, kemie, e movo de selial objektes, plus li formatione e developo del universe. On pove usa astronomial observationes por proba fundamental teories in fisike, kom general relativeso. Teorial astrofisike komplementa observational astronomia pro ke lu sercha explika astronomial fenomenes.

Astronomia es un ek li maxim oldi sienties. Astronomes, spesialim de ansieni Grekia e India, praktisad siential metodologia, e avansat observational teknikes povud ha bli sava multim plu fruim (vida arkeastronomia). Historialim, amatoral astronomes ha kontribua multi importanti astronomial deskovros e astronomia es un ek li poki sienties in kel amatores pove ankore exekute activ role, spesialim in li deskovro e observatione de efemeri fenomenes.

Depos li 20esmi sekle li fake de profesional astronomia ha bli divise en observational astronomia e teorial astrofisike. Observational astronomia konserna li kolektione de datumes, li konstruktione e manteno de instrumentes, e li analiso de resultes. Kelkitem on refera a disi fake kom "astrometria" o simplim "astronomia". Teorial astrofisike determina li observational implikationes de komputal o analiti modeles.

On mus non konfusa moderni astronomia kun astrologia, li kredal sisteme kel aserte ke es korelatione inter homal aferes e li positiones de sielal objektes. Quankam li du fakes parta komuni origine, maxim multi penseres in ambi fakes kreda ke lus nun es distinktet.