Ulstein

Frå Wikipedia – det frie oppslagsverket

Våpen	Kart

Grunnleggjande opplysningar
Kommunenr:	1516
Fylke:	Møre og Romsdal
Administrasjonssenter:	Ulsteinvik
Flatevidd:	97 km²
Folketal:	6 813 (2006)
Målform:	Nynorsk
Internettside:	www.ulstein.kommune.no
Politikk
Ordførar:	Hannelore Måseide (Ap) 2003–2007

Ulstein er ein kommune på øya Hareidlandet på Sunnmøre i Møre og Romsdal. Den grenser i aust til Hareid kommune. Mot vest ligg øykommunen Herøy. Mot søraust, over Vartdalsfjorden, ligg Ørsta og Volda.

Kommunen fekk bystatus i 2000.

Kommunevåpenet viser ei rekke med sju taggar i gull som symboliserar dei sju skulekrinsane Ulstein kommune ein gong hadde, dette er lagt på ein blå botn. Kommunevåpenet vart laga av Asbjørn Waage i 1984.

Næringsliv og industri Skipsindustrien ber økonomien; Ulsteinkonsernet, Rolls-Royce og Kleven Verft er hjørnesteinsverksemder.

Etter Ålesund er Ulsteinvik det største handelsenteret på Sunnmøre, tilreisande frå nær og fjern kjem for å handla til dømes på Blåhuset og Brendehaugen/Saunesmarka.

Historie Utgravingane ved Osnes kyrkjegard tyder på busetnad i kommunen 5000 år attende i tid.

Ulstein er og kjend for fotballaget IL Hødd.

[endre] Kjende folk frå Ulstein kommune (alfabetisk)

Per Eide, fotograf.
Kjetil Hasund, (1942– ), fotballspelar.
Sigvald Hasund, (1868–1959), landbrukshistorikar, høgskulerektor, politikar og minister.
Øystein Runde, (1979– ), tegneserieskapar.
Fredrik Steen (tidlegare Knutsen), komikar, (med rollefiguren Hildegun Moltubakk).
Arild Sundgot, (1978– ), fotballspelar i LSK.
Ole Bjørn Sundgot, (1972– ), fotballspelar i Tippeligaen og utanlandsproff.
Gunvor Ulstein, konsernsjef i Ulsteinkonsernet, "Årets forretningskvinne" 2006.
Idar Ulstein, tidlegare konsernsjef i Ulstein Mekaniske Verksted Holding ASA.