Øystein Runde
Frå Wikipedia – det frie oppslagsverket
Øystein Runde (fødd 1979) er ein norsk teikneserieskapar. Han har gitt ut to album med Bjartmann på Jippi forlag, men er nok mest kjend frå samarbeidet sitt om Margarin med Kristopher Schau.
Innhaldsliste |
[endre] Liv
Øystein Runde vaks opp i Ulsteinvik. Han er son til to lærarar, og tok allmennfagleg utdanning ved Ulstein vidaregåande skule. Han var ordonnans på Akershus Festning i militærtenesta, noko som er dokumentert i historia "Akershus Festning", teikna av Henry Bronken og Firuz Kutal, i eit nummer av Jippi Forlag sin antologi "Forresten". Han har gått to år ved filmlinja på Nordland Kunst- og Filmskole i Kabelvåg, og seinare halde kurs ved same skule. Etter det har han studert litteraturvitskap, estetikk og norrøn litteratur ved Universitetet i Oslo.
[endre] Teiknestil
Øystein Runde har ingen eintydig teiknestil som går att i dei forskjellige seriane. I Rundetid nyttar han ein enkel strekstil som først og fremst byggjer opp under temaa som serien omhandlar. Det er nesten heilt motsett i Margarin, der teikningane er svært detaljerte, og dermed byggjer oppunder den noko absurde og groteske handlinga. Kompleksiteten i Bjartmann ligg midt i mellom desse, og illustrerer først og fremst handlingane til hovudpersonen.
[endre] Tema
Seriane har oftast eit humoristisk syn på ymse tema. Rundetid omtalar emne som ungdom kan kjenne seg att i og passar difor inn i profilen til Spirit. Det kan vere vanskeleg å sjå at Margarin tek opp særskilde tema, men ein kan kanskje tolke det groteske innhaldet som ei skildring av heimkommunen Ulstein, som vart kåra til Noregs beste stad å bu i 1990-åra, blant anna gjennom ei teikning av ei t-skjorte som omtalar denne kåringa. Liknande tolkingar kan ein kanskje òg finne i Bjartmann, ein serie om ein noko spesiell superhelt frå Ulstein.
[endre] Utgjevingar
- Den faste stripa Rundetid i Spirit
- Margarin - utgjeve i teikneseriebladet Smult, i samarbeid med Kristopher Schau
- 2004 - Bjartmann - Jippi forlag, Album Oslo
- 2004 - Bjartmann er din presang - Album Jippi forlag, Oslo
- 2006 - Margarin - Bok, hardcover, med Kristopher Schau, Seriehuset
- 2006 - Futen - Album, forfattar av Runde og teikna av Knut Andre Solberg, Seriehuset
- 2006 - Frederic Hauges enkeltmannsfauna - Bidrag i antologien Utslipp - miljøstiftelsen Bellona 20 år - en antologi, Vega Forlag
- 2006 - Bjartmann - fast serie i Larsons Gale verden frå og med LGV nr 11/06, Schibsted
- 2006 - Stapp - biserie i M frå og med M nr 1/06, Schibsted
