Surnadal
Frå Wikipedia – det frie oppslagsverket
| Våpen | Kart |
|---|---|
 |
 |
| Grunnleggjande opplysningar | |
| Kommunenr: | 1566 |
| Fylke: | Møre og Romsdal |
| Administrasjonssenter: | Skei |
| Flatevidd: | 1 366 km² |
| Folketal: | 6 107 (2006) |
| Målform: | Nynorsk |
| Internettside: | www.surnadal.kommune.no |
| Politikk | |
| Ordførar: | Bergsvein Brøske (Felleslista for Sp, H og KrF) 2003–2007 |
Surnadal er ein kommune på Nordmøre i Møre og Romsdal. Kommunen grenser til Halsa og Hemne i nord, Rindal i aust, og Sunndal i sør. Over fjorden ligg Tingvoll kommune.
Surnadal kommune ligg ved foten av Trollheimen. Han er sett saman av fleire dalar, med Surnadalen som den viktigaste. Dei mindre dalane er Bæverfjord, Bæverdal, Bøfjorden, Østbødalen, Todalen og Stangvik.
Frå Surnadal strekk det seg fleire seter- og fjelldalar langt inn i sentrum av Trollheimen. Det høgaeste fjellet her er Snota, 1668 m.o.h. Elva Surna renn gjennom Surnadal frå Rindal og vestover. Her blir elva forma i det største deltaområdet i Nord-Europa før ho renn ut i Surnadalsfjorden. Surna er rik på laks og er eit trekkplaster for bygda.
Det milde klimaet og jordsmonnet gjer Surnadal til en god jordbrukskommune. Økonomien er bygd på jordbruk, skogsdrift, industri og meir. Administrasjonssentrumet heiter Skei. Surnadal har ferjesamband med Sunndal over Kvenna–Rykkjem, og riksveg 65 går til Trondheim.
Surnadal er heimbygda til den nasjonalkjente diktaren Hans Hyldbakk, som har vore med på å gje bygda sterke kulturtradisjonar.
[endre] Lenkjer ut
http://www.kvalvik.no/surnadal/start.asp
 |
|
