Onsdag

Frå Wikipedia – det frie oppslagsverket

Onsdag er dagen som kjem midt i arbeidsveka, i tidlegare tid midt i sjølve veka. Dagen er kalla opp etter den norrøne guden Odin på germanske språk, og etter guden Merkur på dei romanske.

På gamalengelsk vart Odin kalla Woden. Derav namnet Wednesday på engelsk. På tysk har namnet Mittwoch, midtveke, erstatta det eldre namnet Wodanstag. På liknande vis finst ordet «mekkdag» (frå norrønt miðvikudagr, ‘midtvekedag’) framleis i eldre nordmørsdialekt og på Island blir dagen kalt miðvikudagur.

Kvekarane føretrekk å kalla dagen den fjerde dagen, heller enn å bruka det heidenske namnet.

[endre] Særskilde onsdagar

• Oskeonsdag, førti dagar før påske (minus sundagar), markerer byrjinga på fastetida.