Meland

Frå Wikipedia – det frie oppslagsverket

Våpen	Kart
	Fil:Meland kart.png
Grunnleggjande opplysningar
Kommunenr:	1256
Fylke:	Hordaland
Administrasjonssenter:	Frekhaug
Flatevidd:	91 km²
Folketal:	5 861 (2005)
Målform:	Nynorsk
Internettside:	www.meland.kommune.no
Politikk
Ordførar:	Solbjørg Åmdal Sandvik (H) 2003-2007

Meland er ein kommune i Hordaland fylke, i Nordhordland. Meland kommune er ein kyst- og øykommune nord for Bergen. Kommunesenteret Frekhaug ligg sør på øya Holsnøy. Øya Holsnøy utgjer hovuddelen av kommunen. I tillegg kjem Flatøy, Ypsøy og fleire små øyar. Nordhordlandsbrua frå Bergen kommune kjem i land på Flatøy. Europaveg 39 (E39) går vidare nordover gjennom Lindås kommune. Nord for Meland ligg óg Radøy kommune. Mellom Meland og Radøy går Mangersfjorden og Radfjorden. Mot sør- vest er Askøy kommune. Mellom Askøy og Meland går Herdlefjorden. Meland kommune har namn etter garden Meland på Holsnøy. Her er det óg kyrkje (Meland kyrkje).

[endre] Kommune frå 1923

Meland sokn var frå 1885 ein del av Alversund prestegjeld og kommune. Meland vart eigen kommune i 1923. Ein del av Holsnøya og litt av Askøya fekk namnet Meland kommune. Ved kommuneendringer i 1964 overtok Meland Flatøy frå gamle Hamre kommune. Gamle Herdla kommune sine områder nord på Holsnøy vart og overteke. Områda på Askøy vart overført til Askøy kommune.

[endre] Kommunevåpenet

Kommunevåpenet til Meland er på raud grunn ein sølv navar-spiss som vender nedover. Navarsmiing har lange tradisjonar i Meland. Ein navar er eit trebor.

[endre] Aviser

Avisene Strilen og Nordhordland har nyhende frå Meland. Regionavisa Bergens Tidende har og mykje om hendingar i Meland. Dessutan har Bergensavisen ei viss dekning frå kommunen