Wiengood
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
'n Wiengood of 'ne wiengaard , 'n ouwer woord ies wiejerd, ies 'n landboewbedrief, dat ziech haet gespecialiseerd in de teelt van droeve en 't producere en bottele van wien. Daegeen, dae 't beroep oetoefent weurt wienboer geneump. 't Geuf ouch hobby-wienboere die in vereinigingsverband 'n plantage bewèrke en wien make veur eige gebruuk en de luuj oet 't dörp. In Nederlands Limburg en Belsj Limburg liegke saer 't ing van de 20e ièw de nuèdige wiendomeine en wiengaarde in 't heuvelland. Veural wiete wien (en ouch waal rosé) weurt geproduceerd.
Inhawd |
[bewirk] Gesjiedenis
- Ouw veldname geve aan dat de Romeine al hie en dao wiengaarde in cultuur houwe. bv. De wiegerd op Sint-Pièter in Valkeberg tege-n 'n zuud-helling van de Geul, waor vreuger 'ne wiengaard.
| Dees sectie van dit artikel is gesjreve in 't Norbiks |
- Naodat Napoleon 'n wèt makde die bepaalde dat alling in Fraanriek nog wiendroeve verboewd en wien gemakd moeg waeëre zeunt och in 't mergellaand de wiendroeveplantages oet 't laandsjap verdwene.
[bewirk] Gulpener Kriet
De op 't zuide gerichte hellinge, zeunt hieël good gesjikt vör d'r wienboew umwille van twieë faktore. Op de ursjte plaatsj sjiengt de zon op die hellinge mieë loodrech oeëdör 't dao wermer is in de umgaeving, es de zon sjiengt. Op de twiede plaatsj keumt d'r Gulpener Kriet in die hellinge hos an de oppervlakte. De lösslaog is dao mitstens, dör erosie, hieël dun. Kriet haat d'r eegensjap wermde langer vas te haowe. Op de zuiderlijke hellinge in 't mergellaand oontsjteet dör dit samesjpil van umgaevingsfaktore 'n sub-tropisch microklimaat. An de busjraande op dit saoërt hellinge vingt me da och zelfs orchideje.
| Dees sectie van dit artikel is gesjreve in 't Valkebergs |
[bewirk] Confrérie des chevaliers du Vin Limbourgeois
Op 5 mei 2004 weurt de Confrérie des chevaliers du Vin Limbourgeois opgeriech mèt es doel 't controlere, sjtimulere, beoordeile en beware van goje kwaliteit wien.
[bewirk] In Nederlands Limburg
- Wiengood Sint Mauritius in Sjin op Geul
- Sjtókkemer wingerd tösje Berghäöf en Sjtókkem
- Domein Backerbosch in Keer
- Domein Wiengaardsberg in Waterval
- Wiengood Frómberg in De Berg
- Domein Aldenborgh in Ees
- Wittemer wiengaard in Wilder
- Wiengood St. Cunnibert in Wilder
- Wienplantaasj Sjtejneberg in Misj
- Apostelhoof bie Neerkan in Mestreech
- Haof Nekum in Nekum in Mestreech
- Domaine de Blaireaux in Mestreech
- Boekenderhaof bie Meersenhove in Mestreech
- Wiengaard Op gen Heugde in Norbik
- Wiengaard Sint Martinus in Viele
- Hubertus wiengaard in Viele
- Wiengood Thorn in Toear
- Domaine d'Elkandré in Meyel
