Waterpöt

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.

---

'n Waterpöthoes of pöthuuske ies 'ne gemetselde pöt, woa water oet getakeld weurt. Um te veurkómme dat sjtöb of andere rotzooi in 't drinkwater terech kaom woort gemeinlich 'n zaaldaak debove en 'n hèkwerkske d'r umheen gemaak. Tegeliek koes de drièjbalk mèt de zjwungel (um 't water nao bove te takele) verankerd weure aan de sjtiele van dat huuske.
Veural op de plateaus in Zuud-Limburg woorte väöl pötte gegrave. Me houw hie neet de meugelikheid um effe nao de rivier, baek of brón te loupe. Tot zoan 2 ièwe truuk drónke luuj nog regewater. 't Water oet de pöt woort bewaard in 'n pötbaar ('n sjteine kroek). Nao 1925 krege de luuj waterleiding. 't Water oet de pöt, dat lekker keul waor umdat van deep oet de grónd kaom, woort toch nog lang gebruuk um te drinke. Daorum zint'rsj nog redelik get bewaard gebleve.

Pöthuuskes zint (nog) te vinge in:

• Mergraote
• Bieëmele (Bemelen)
• Dringsele (Trintele)
• Terhoorsj (Tebannet)
• Gastes Gasthuis
• Iezere (IJzeren; 3 pötte)
• Gièlender (Sjtröch) d'r Sjaopspöt
• Berg
• Termaar A g'n Bauerkoel
• Maer (Mheer)
• Kaze (Kasen)
• Bèngelder (Bingelder) 1664)
• Aolbaek(Aalbeek)
• Herkenter (Herkenrade)
• Oeësjbik (Oirsbeek)
• Walem
• Veurs (Belsj)

[bewirk] Trivia

Bare binge = Lang achterein mèt ein sjtoon moele, kwebbele of kalle. (letterlike beteikenis: bare reparere)