Minsape

Van Wikipedia

Minsape of Hominidae zien 'n femilie vaan hoeg ontwikkelde zoegdiere oet de orde Aapachtege. Minsape zien groete ape, mèt veural 'nen oontwikkelde sjedel en rechopstoonde gaank. Vreuger woorte de gibbons, die primitiever zien, ouch tot de minsape gerekend. Ze zien verdeild in twie oonderfemilies: de Ponginae, die oet Azië koume, en de Homininae, die in Afrika hun oorsproonk höbbe. Umtot de mins ouch tot dees femilie behuurt, is ze hiel intensief door biologe bestudeerd.

[bewirk] Taxonomie

Allein de nog bestoonde saorte zien wiergegeve.

MINSAPE (HOMINIDAE)

• Ponginae
  • Geslech Pongo
    • Bornesen orang-oetan (Pongo pygmaeus)
    • Sumatraansen orang-oetan (Pongo abelii)
• Homininae
  • Geslech Gorilla
    • Westelike gorilla (Gorilla gorilla)
    • Oostelike gorilla (Gorilla beringei)
  • Geslech Pan
    • Gewoene sjimpansee (Pan troglodytes)
    • Bonobo (Pan paniscus)
  • Geslech Homo
    • Mins (Homo sapiens)

De sjimpansees zien zoe nauw mèt de mins verwant tot inkel weitesjappers höbbe veurgestèld ze bij 't geslech Homo in te deile.